હવે Ahmedabadથી ભૂજ માત્ર 5 કલાકમાં પહોંચી શકાશે, ગુજરાતમાં વંદે ભારતનું ટ્રાયલ સફળતાપૂર્વક પૂર્ણ

Vande Bharat Will Run Between Ahmedabad-Bhuj: ભારતીય રેલ્વે તેના મુસાફરોની સુવિધા વધારવા માટે તેની ટ્રેનોને સતત અપડેટ કરી રહી છે. વંદે ભારત એક્સપ્રેસ ટ્રેન બાદ હવે ટૂંકા અંતરે આવેલા બે શહેરો વચ્ચે ‘વંદે મેટ્રો’ ટ્રેન દોડાવવાની યોજના બનાવવામાં આવી રહી છે, જે અંતર્ગત ગુજરાતના અમદાવાદ અને કચ્છના ભુજ વચ્ચે પ્રથમ વંદે મેટ્રો ટ્રેનનું ટ્રાયલ સફળતાપૂર્વક કરવામાં આવ્યું છે. તેથી ટૂંક સમયમાં ગુજરાતમાં કેટલાક લાંબા રૂટ પર ‘વંદે મેટ્રો’ શરૂ થાય તેવી શક્યતા છે.

એવું માનવામાં આવે છે કે વંદે ભારત ટ્રેન નવરાત્રી-દિવાળીની આસપાસથી ભુજ અને અમદાવાદ વચ્ચે નિયમિત દોડશે. ભુજ-અમદાવાદ વચ્ચે વંદે ભારત ટ્રાયલ સફળતાપૂર્વક પૂર્ણ થયું. મેટ્રો ટ્રેને અમદાવાદથી ભુજનું અંતર પાંચ કલાકમાં કાપ્યું હતું અને ત્રણ યુનિટના કુલ 12 એસી કોચ સાથે બપોરે 12.59 કલાકે ભુજ પહોંચી હતી. રેલવે સૂત્રોએ જણાવ્યું હતું કે સફળ ટ્રાયલમાં પાંચ કલાકમાં પહોંચેલી વંદે ભારત આગામી તહેવારો દરમિયાન નિયમિત દોડશે અને ભુજ-અમદાવાદની મુસાફરી સાડા ત્રણ કલાકમાં પૂર્ણ કરશે. ઔદ્યોગિક અને પ્રવાસનને જોડતી કચ્છથી વંદે ભારત ટ્રેન નજીકના ભવિષ્યમાં મુંબઈથી ભુજ થઈને અમદાવાદ સુધી દોડે તેવી શક્યતા છે અને તેનું નામ વંદે ભારત મેટ્રો રાખવામાં આવશે.

ભુજ-અમદાવાદ ‘વંદે ભારત’ ટ્રેનની ટ્રાયલ સફળ
વન-વે ભુજ-નલિયા બ્રોડબ્રિજ ટ્રેન હજુ શરૂ થવાની રાહ જોઈ રહી છે, દરમિયાન ભુજ-Ahmedabad વંદે ભારત ટ્રેન રવિવારે ભુજ પહોંચી હતી. પશ્ચિમ રેલવેના અમદાવાદ ડિવિઝન હેઠળ અમદાવાદ-ભુજ વંદે ભારત ટ્રેનની ટ્રાયલ સફળતાપૂર્વક પૂર્ણ થઈ હતી.

ભુજ પહોંચતા 5 કલાક લાગ્યા
રેલવે અધિકારીના જણાવ્યા અનુસાર, ત્રણ યુનિટના 12 એસી કોચવાળી વંદે ભારત ટ્રેન રવિવારે બપોરે 12.59 વાગ્યે ભુજ પહોંચી અને 13.40 વાગ્યે અમદાવાદથી રવાના થઈ. 110ની સ્પીડવાળી વંદે ભારત ટ્રેનને ભુજ પહોંચવામાં 5 કલાક લાગ્યા હતા. અમદાવાદથી નીકળ્યા બાદ વંદે મેટ્રો ટ્રેન વિરમગામ, ધ્રાંગધ્રા, સમઢીયાળી, ભચાઉ, ગાંધીધામ અને અંજાર સ્ટેશને ઉભી રહી હતી.

મુસાફરીનો સમય ઘટાડવાની શક્યતા
ભુજ રેલવે અધિકારી કે.કે.શર્માએ જણાવ્યું હતું કે વંદે ભારત ટ્રેનમાં ઓટોમેટિક દરવાજા છે. જે સંપૂર્ણપણે રેલ્વે એન્જીન દ્વારા ઓપરેટ થાય છે. ભુજથી અમદાવાદ હાઈસ્પીડ ટ્રેન દ્વારા માત્ર પાંચ કલાકમાં કચ્છ પહોંચી શકાય છે. ટ્રાયલ રિપોર્ટ મુંબઈ મોકલવામાં આવ્યો છે, આ રિપોર્ટ બાદ ટ્રેન ક્યારે દોડાવવી તે અંગે અંતિમ નિર્ણય લેવામાં આવશે.

વંદે મેટ્રોમાં આ સુવિધાઓ ઉપલબ્ધ થશે
આધુનિક સુવિધાઓથી સજ્જ વંદે મેટ્રો ટ્રેનની મહત્તમ ગતિ મર્યાદા 100 થી 200 કિલોમીટર પ્રતિ કલાકની વચ્ચે રહેશે. 3 x 3 બેન્ચ-પ્રકારની બેઠક વ્યવસ્થા મહત્તમ મુસાફરોને આરામદાયક મુસાફરીનો આનંદ માણવામાં મદદ કરશે. વંદે મેટ્રો કોચમાં ઈમરજન્સીની સ્થિતિમાં ટ્રેન ડ્રાઈવર સાથે વાત કરવા માટે ટોક બેક સિસ્ટમ હશે. દરેક કોચમાં 14 સેન્સર સાથે ફાયર અને સ્મોક ડિટેક્શન સિસ્ટમ લગાવવામાં આવી છે, જેથી ટ્રેનમાં કોઈ પણ પ્રકારનો ધુમાડો નીકળે તો તરત જ ઓળખી શકાય. વિકલાંગ લોકોની સુવિધા માટે, કોચમાં વ્હીલ-ચેર સુલભ શૌચાલયની પણ સુવિધા હશે.