Chattisgarhના દંતેવાડામાં સુરક્ષાદળોને મોટી સફળતા, એન્કાઉન્ટરમાં 9 નક્સલી માર્યા ગયા

Chhattisgarh: આજે દંતેવાડા અને બીજાપુર જિલ્લામાં સુરક્ષા દળો અને નક્સલવાદીઓ વચ્ચે એન્કાઉન્ટર થયું. સરહદી વિસ્તારમાં નક્સલવાદીઓને ખતમ કરવાનું અભિયાન હજુ પણ ચાલુ છે. બંને તરફથી ગોળીબાર થઈ રહ્યો છે. તમામ સૈનિકો સુરક્ષિત હોવાનું કહેવાય છે. પશ્ચિમ બસ્તર ડિવિઝનમાં નક્સલવાદીઓની હાજરીની માહિતી મળતાં, સર્ચ ઓપરેશન હાથ ધરવામાં આવ્યું હતું જેમાં 9 નક્સલવાદીઓ માર્યા ગયા હોવાના અહેવાલ છે.

છત્તીસગઢના દંતેવાડા અને બીજાપુર જિલ્લામાં આજે સુરક્ષાદળો અને નક્સલવાદીઓ વચ્ચે અથડામણ થઈ હતી. એન્કાઉન્ટરમાં નવ નક્સલવાદીઓ માર્યા ગયા હોવાના અહેવાલ છે. સરહદી વિસ્તારમાં નક્સલવાદીઓને ખતમ કરવાનું અભિયાન હજુ પણ ચાલુ છે. બંને તરફથી ગોળીબાર થઈ રહ્યો છે. તમામ સૈનિકો સુરક્ષિત હોવાનું કહેવાય છે.
પશ્ચિમ બસ્તર ડિવિઝનમાં નક્સલવાદીઓની હાજરીની બાતમી મળતાં, એક સંયુક્ત પોલીસ દળ સર્ચ ઓપરેશનમાં ગઈ હતી. આ દરમિયાન નક્સલીઓએ ગોળીબાર શરૂ કરી દીધો હતો. સુરક્ષા દળો દ્વારા પણ જવાબી કાર્યવાહી કરવામાં આવી રહી છે.

65 નક્સલવાદીઓ છુપાયા હોવાની આશંકા
અધિકારીઓએ જણાવ્યું કે 5 થી 7 કિલોમીટરના જંગલ વિસ્તારમાં 65 નક્સલવાદીઓ છુપાયા હોવાની આશંકા છે. માહિતી મળતાં જ દંતેવાડા અને બીજાપુર જિલ્લા પોલીસે અન્ય સુરક્ષા દળો સાથે મળીને ઓપરેશન હાથ ધર્યું હતું. રાત્રે સૈનિકો ઘટનાસ્થળે પહોંચી ગયા હતા. આ પછી સવારે એન્કાઉન્ટર શરૂ થયું.

અધિકારીઓના જણાવ્યા અનુસાર એન્કાઉન્ટર હજુ પણ ચાલુ છે. એન્કાઉન્ટર થયા બાદ પોલીસ પાર્ટી પાસેથી સંપૂર્ણ માહિતી મળશે. મોટી સંખ્યામાં નક્સલવાદીઓ ઘાયલ થયા છે, જેની માહિતી એકત્રિત કરવામાં આવી રહી છે.