Aparajita bill: પશ્ચિમ બંગાળ સરકારે વિધાનસભાના વિશેષ સત્રના બીજા દિવસે બળાત્કાર વિરોધી અપરાજિતા બિલ ગૃહમાં રજૂ કર્યું. ભાજપના ધારાસભ્યોએ પણ બિલને સમર્થન આપ્યું હતું. આ બિલમાં બળાત્કારના દોષિતોને 10 દિવસની અંદર ફાંસીની સજા આપવાની જોગવાઈ છે. આ બિલનું નામ અપરાજિતા મહિલા અને બાળ (પશ્ચિમ બંગાળ ક્રિમિનલ લો એન્ડ એમેન્ડમેન્ટ) બિલ 2024 છે.
કોલકાતાની સરકારી આરજી કાર હોસ્પિટલ અને મેડિકલ કોલેજમાં મહિલા ડોક્ટર સાથે બળાત્કાર અને હત્યાની ઘટના બાદ પશ્ચિમ બંગાળ સરકારે મોટું પગલું ભર્યું છે. વિધાનસભાના વિશેષ સત્રના બીજા દિવસે બંગાળ સરકારે બળાત્કાર વિરોધી સુધારો બિલ રજૂ કર્યું. આ બિલનો ઉદ્દેશ્ય પીડિતોને ન્યાય આપવાનો અને બળાત્કારના ગુનેગારોને ઝડપી અને કડક સજા આપવાનો છે.
આ બિલમાં બળાત્કારના દોષિતોને 10 દિવસની અંદર મૃત્યુદંડ (ફાંસી) સુનિશ્ચિત કરવાનો પ્રસ્તાવ છે. આ બળાત્કાર વિરોધી બિલનું નામ અપરાજિતા મહિલા અને બાળ (પશ્ચિમ બંગાળ ક્રિમિનલ લો એન્ડ એમેન્ડમેન્ટ) બિલ 2024 છે. રાજ્યમાં મુખ્ય વિપક્ષ ભાજપના ધારાસભ્યો પણ આ બિલને સમર્થન આપશે. મંગળવારે જ ગૃહમાંથી પસાર થયા બાદ આ બિલ રાજ્યપાલને મોકલવામાં આવશે.