પકડી-પકડીને મારીશું… મુસ્લિમોને આપી ખુલ્લેઆમ ધમકી, મહારાષ્ટ્રમાં BJP ધારાસભ્ય વિરુદ્ધ નોંધ્યો કેસ
Maharashtra BJP MLA: મહારાષ્ટ્રના અહમદનગરમાં બીજેપી ધારાસભ્ય નીતિશ રાણે સામે કેસ નોંધવામાં આવ્યો છે. રાણે પર ભડકાઉ ભાષણ આપવા અને ધાર્મિક ભાવનાઓને ઠેસ પહોંચાડવાનો આરોપ છે. ભારતીય ન્યાય સંહિતાની કલમ 302, 153 અને અન્ય કલમો હેઠળ ભાજપના ધારાસભ્ય વિરુદ્ધ કેસ નોંધવામાં આવ્યો છે. નીતિશ રાણેએ એક કાર્યક્રમમાં મુસ્લિમોને ખુલ્લેઆમ ધમકી આપી હતી અને કહ્યું હતું કે તેઓ પકડી-પકડીને મારી નાખશે. તેની સામે બે એફઆઈઆર દાખલ કરવામાં આવી છે. એક કેસ શ્રીરામપુરમાં અને બીજો તોપખાના પોલીસ સ્ટેશનમાં નોંધવામાં આવ્યો છે.
BJP ના ધારાસભ્યએ મુસ્લિમોને આપી ખુલ્લી ધમકી
તમને જણાવી દઈએ કે અહમદનગરમાં રામગીરી મહારાજના સમર્થનમાં મોરચો કાઢવામાં આવ્યો હતો. આ મોરચામાં મોટી સંખ્યામાં હિન્દુ સમાજના લોકો હાજર રહ્યા હતા. મોરચા બાદ નીતિશ રાણેની એક બેઠક યોજાઈ હતી. જેમાં તેમણે મુસ્લિમોને ખુલ્લેઆમ ધમકી આપી હતી. રાણેએ કહ્યું, ‘જો કોઈ અમારા રામગીરી મહારાજ વિરુદ્ધ કંઈપણ કહેશે તો તેઓ મસ્જિદોમાં આવશે અને તેમને પકડી-પકડીને મારી નાખશે.’
મહંત રામગીરી મહારાજે મુસ્લિમ સમાજના પયગંબર પર ટિપ્પણી કર્યા બાદ રાજ્યના વિવિધ જિલ્લાઓમાં મહારાજ વિરુદ્ધ મોરચો કાઢવામાં આવ્યો હતો. જે બાદ રામગીરી મહારાજના સમર્થનમાં ભાજપના નેતા નીતિશ રાણેના નેતૃત્વમાં સમગ્ર હિન્દુ સમુદાય વતી અહમદનગરમાં મોરચો કાઢવામાં આવ્યો હતો.
BJP ચૂંટણી પહેલા હિંસા ઈચ્છે છે- AIMIM
AIMIMના નેતા વારિશ પઠાણે નીતિશ રાણેનો વીડિયો શેર કર્યો અને આરોપ લગાવ્યો કે BJP ચૂંટણી પહેલા સાંપ્રદાયિક હિંસા કરવા માંગે છે. નીતિશ રાણેનું ભાષણ ભડકાઉ છે અને નીતિશ વિરુદ્ધ એફઆઈઆર થવી જોઈએ અને કાયદાકીય પગલાં લેવા જોઈએ.