Siddharth: આજે 29 ઓગસ્ટ, 2024ના રોજ રાષ્ટ્રીય ખેલ દિવસની ઉજવણી કરવામાં આવી રહી છે. આ ખાસ અવસર પર સિદ્ધાર્થ મલ્હોત્રાએ તેના ‘કપૂર એન્ડ સન્સ’ના કો-સ્ટાર ફવાદ ખાન સાથે એક યાદગાર થ્રોબેક શેર કર્યો. આ વીડિયોમાં બંને સાથે ક્રિકેટ રમતા જોવા મળ્યા હતા. પ્રશંસકોએ સિદ્ધાર્થની પોસ્ટ પર પ્રતિક્રિયા આપી અને તાજેતરમાં જાહેર કરાયેલ ક્રિકેટર યુવરાજ સિંહની બાયોપિકમાં તેને જોવાની ઈચ્છા વ્યક્ત કરી. ચાલો જાણીએ કે અભિનેતાની કઈ પોસ્ટ વાયરલ થઈ રહી છે.
સિદ્ધાર્થ મલ્હોત્રાએ ઈન્સ્ટાગ્રામ પર પોતાના ફોલોઅર્સ સાથે ક્રિકેટ અને સ્પોર્ટ્સ પ્રત્યેનો પ્રેમ શેર કર્યો છે. તેણે પહાડોની વચ્ચે ક્રિકેટ રમતા પોતાની કેટલીક તસવીરો શેર કરી છે. સિદ્ધાર્થે એક ફની વીડિયો પણ પોસ્ટ કર્યો છે, જેમાં તે ફવાદ ખાન સાથે ગેમમાં હરીફાઈ કરતો જોવા મળે છે. તેણે તો એમ પણ કહ્યું કે તેની ટીમ હંમેશા સારી હોય છે, જેના પર ફવાદ હસી પડ્યો.
કેપ્શનમાં સિદ્ધાર્થે લખ્યું, “દિલ્હીની ગલીઓથી લઈને ફિલ્મના સેટ સુધી, ક્રિકેટ પ્રત્યેનો મારો પ્રેમ યથાવત છે! રમતો હંમેશા મારા જીવનનો એક મોટો ભાગ રહ્યો છે – બાસ્કેટબોલ, ક્લબ લેવલ રગ્બી, ફૂટબોલ અને ગલી ક્રિકેટ.”
સિદ્ધાર્થની પોસ્ટ પર ચાહકોએ ઘણો પ્રેમ વરસાવ્યો. એક યુઝરે લખ્યું, “મને આશા છે કે યુવરાજ સિંહની બાયોપિક માટે તેને પસંદ કરવામાં આવે.” અન્ય એક યુઝરે લખ્યું, જો તમે એક્ટર ન હોત તો ચોક્કસથી ક્રિકેટર હોત. અન્ય એક યુઝરે લખ્યું, “તમને સ્પોર્ટ્સ બાયોપિકમાં જોવાનું ગમશે.” એટલું જ નહીં, ક્રિકેટર રાશિદ ખાને પણ અભિનેતાની પોસ્ટ પર કોમેન્ટ કરી છે.
વર્ક ફ્રન્ટની વાત કરીએ તો સિદ્ધાર્થ મલ્હોત્રાની ફિલ્મોની વાત કરીએ તો તે છેલ્લે ‘યોધા’માં જોવા મળ્યો હતો. ચર્ચા છે કે તે સૈફ અલી ખાન સાથે ફિલ્મ ‘રેસ 4’માં પણ જોવા મળી શકે છે. ફેન્સ અભિનેતાને ફરી એકવાર સ્ક્રીન પર જોવા માટે ઉત્સુક છે.