Gujarat News: સૌરાષ્ટ્રના ખેડૂતો અને નાગરિકોને નર્મદાનું પાણી આપવા માટે મુખ્યમંત્રી ભૂપેન્દ્ર પટેલે મહત્વનો નિર્ણય લીધો છે. જે અંતર્ગત સૌરાષ્ટ્રના ડેમો નર્મદાના પાણીથી ભરવામાં આવશે. સૌરાષ્ટ્ર વિસ્તારના ખેડૂતો અને નાગરિકોને નર્મદાનું પાણી આપવાનો નિર્ણય લેવાયો છે. નર્મદા ડેમના ઉપરવાસમાં વ્યાપક વરસાદના પરિણામે સરદાર સરોવર ડેમમાં પાણીની સપાટી વધી છે, આ પાણી સૌરાષ્ટ્રના જળાશયોમાં છોડવામાં આવશે. રાજ્ય સરકારે સૌરાષ્ટ્રના સુરેન્દ્રનગર, રાજકોટ, મોરબી, બોટાદ, ભાવનગર, જામનગર અને અમરેલી જિલ્લાના કુલ 40 જળાશયોમાં વિવિધ સૌની યોજનાઓની 4 પાઈપલાઈન દ્વારા નર્મદાનું પાણી પહોંચાડવાનું પૂર્વ આયોજન કર્યું છે.
નર્મદા નીર સૌરાષ્ટ્રના જળાશયો સુધી પહોંચશે
આ પાઈપલાઈન દ્વારા આ જળાશયમાં 1 હજાર 300 ક્યુસેક પાણી પમ્પ કરવામાં આવ્યું છે. તેમાં ધીમે ધીમે વધારો કરવામાં આવશે અને આગામી દિવસોમાં સૌરાષ્ટ્રના આ જળાશયોમાં 2000 ક્યુસેક પાણી પમ્પ કરવામાં આવશે. આ જિલ્લાઓના ડેમ કે તળાવો પણ ભરવામાં આવશે. મુખ્યમંત્રી ભૂપેન્દ્ર પટેલના નિર્દેશ હેઠળ હાલમાં જે જળાશયોમાં પીવાના પાણીના જથ્થા માટે અનામત છે તેને પ્રાથમિકતા આપવામાં આવી રહી છે.
આ તમામ ડેમમાં સૌની યોજનાની 4 અલગ-અલગ પાઇપ લાઇન દ્વારા પાણી પહોંચાડવામાં આવશે. તાજેતરમાં, આ પાઇપ લાઇન દ્વારા 1 હજાર 300 ક્યુસેક પાણી ઉપાડીને આ જળાશયોમાં મોકલવાની શરૂઆત કરવામાં આવી છે. તેમાં વધારો કરવામાં આવશે અને આગામી દિવસોમાં 2 હજાર ક્યુસેક પાણી ઉપાડીને સૌરાષ્ટ્રના આ જળાશયોમાં પહોંચાડવામાં આવશે. જો વરસાદમાં વિલંબ થશે તો સરકારના માર્ગદર્શન હેઠળ આ જિલ્લાઓમાં 600 જેટલા પાળા અને તળાવો ભરવાની પણ વ્યવસ્થા કરવામાં આવી છે. તાજેતરમાં જે જળાશયોમાં પીવા માટે પાણી અનામત છે તે જળાશયો સુધી નર્મદાનું પાણી પહોંચાડવાની પ્રાથમિકતા આપવામાં આવી રહી છે.