પૂર્વ વિદેશ મંત્રી Natwar Singhનું નિધન, પાકિસ્તાનમાં રાજદૂત તરીકે પણ સેવા આપી હતી

કોંગ્રેસના ઘણા વરિષ્ઠ નેતાઓએ પૂર્વ વિદેશ મંત્રી Natwar Singh ના નિધન પર શોક વ્યક્ત કર્યો છે. Natwar Singh છેલ્લા ઘણા દિવસોથી ગુરુગ્રામની મેદાંતા હોસ્પિટલમાં દાખલ હતા. જ્યાં તેમણે અંતિમ શ્વાસ લીધા હતા.

પૂર્વ વિદેશ મંત્રી Natwar Singh નું લાંબી બીમારી બાદ શનિવારે રાત્રે નિધન થયું હતું. તેઓ 93 વર્ષના હતા. તેમણે ગુરુગ્રામની મેદાંતા હોસ્પિટલમાં અંતિમ શ્વાસ લીધા, જ્યાં તેઓ રોગની સારવાર માટે છેલ્લા ઘણા અઠવાડિયાથી દાખલ હતા. નટવર સિંહનો જન્મ 1931માં રાજસ્થાનના ભરતપુર જિલ્લામાં થયો હતો. Natwar Singhના અંતિમ સંસ્કાર રવિવારે દિલ્હીમાં થવાના છે. તેઓ છેલ્લા કેટલાક સમયથી અસ્વસ્થ હતા. 

સુરજેવાલાએ શોક વ્યક્ત કર્યો હતો

કોંગ્રેસના દિગ્ગજ નેતા રણદીપ સુરજેવાલાએ નટવર સિંહના નિધન પર શોક વ્યક્ત કર્યો છે. સુરજેવાલાએ સોશિયલ મીડિયા પ્લેટફોર્મ X પર લખ્યું, ‘પૂર્વ વિદેશ મંત્રી નટવર સિંહના નિધનના સમાચાર દુઃખદ છે. ભગવાન તેમના પરિવારને આ દુઃખ સહન કરવાની શક્તિ આપે અને દિવંગત આત્માને શાંતિ આપે.

2004 થી 2005 સુધી વિદેશ મંત્રી

કોંગ્રેસના ભૂતપૂર્વ સાંસદ નટવર સિંહ તત્કાલીન વડા પ્રધાન મનમોહન સિંહની આગેવાની હેઠળની યુપીએ-1 સરકાર દરમિયાન 2004-05ના સમયગાળા માટે ભારતના વિદેશ પ્રધાન હતા. તેમણે પાકિસ્તાનમાં રાજદૂત તરીકે પણ સેવા આપી હતી. તેઓ 1966 થી 1971 સુધી વડાપ્રધાન ઈન્દિરા ગાંધીના કાર્યાલય સાથે પણ જોડાયેલા હતા.

રાજસ્થાનના સીએમએ દુઃખ વ્યક્ત કર્યું

રાજસ્થાનના સીએમ ભજનલાલ શર્માએ નટવર સિંહના નિધન પર શોક વ્યક્ત કર્યો છે. સીએમ ભજનલાલે સોશિયલ મીડિયા પ્લેટફોર્મ પર લખ્યું ભગવાન શ્રી રામ દિવંગત આત્માને પોતાના ચરણોમાં સ્થાન આપે અને શોકની આ ઘડીમાં શોકાતુર પરિવારને શક્તિ પ્રદાન કરે તેવી પ્રાર્થના.

નટવર સિંહે ઘણા પુસ્તકો લખ્યા

તમને જણાવી દઈએ કે નટવર સિંહને વર્ષ 1984માં પદ્મ ભૂષણથી નવાજવામાં આવ્યા હતા. નટવર સિંહે ઘણા પુસ્તકો પણ લખ્યા છે. નટવર સિંહની ગણતરી કોંગ્રેસના દિગ્ગજ નેતાઓમાં થતી હતી. તેઓ વિદેશી બાબતોના ખૂબ જ જાણકાર હતા.