MP: મધ્યપ્રદેશના મુખ્યમંત્રી અને મંત્રીઓ હવે પોતાનો ઈન્કમ ટેક્સ ભરશે. મંગળવારે સીએમ મોહન યાદવે આ મોટા નિર્ણયની જાહેરાત કરી છે. અત્યાર સુધી રાજ્યમાં મંત્રીઓ અને મુખ્યમંત્રીઓનો આવકવેરો સરકાર ચૂકવતી હતી. આ નિર્ણયથી સરકાર પર કોઈ નાણાકીય બોજ નહીં પડે.
વર્ષ 1972માં સરકાર માટે મંત્રીઓનો આવકવેરો ભરવાનો નિયમ બનાવવામાં આવ્યો હતો. હવે 52 વર્ષ બાદ મોહન સરકારે તેમાં ફેરફાર કર્યો છે. કેબિનેટના તમામ મંત્રીઓની સહમતિથી આજે આ નિર્ણય લેવામાં આવ્યો છે.
કેબિનેટની બેઠક પર, મધ્યપ્રદેશના સીએમ મોહન યાદવે કહ્યું, “આજે ઘણા એવા નિર્ણયો લેવામાં આવ્યા છે જેની રાજ્યમાં લાંબા ગાળાની અસર પડશે… તમામ મંત્રીઓ તેમના આવકવેરાના ખર્ચને ઉઠાવશે… રાજ્ય આ ખર્ચ સહન કરશે નહીં. …”
સીએમ મોહન યાદવે કહ્યું કે, 1972ના નિયમ મુજબ, રાજ્ય સરકાર મંત્રીઓ અને સંસદીય સચિવોનો પણ આવકવેરા ખર્ચ વસૂલતી હતી.
એક અહેવાલ મુજબ, રાજ્ય સરકારે વર્ષ 2023થી 2024 માટે મંત્રીઓ અને વિધાનસભા અધ્યક્ષ સહિત 35 જનપ્રતિનિધિઓનો 79 લાખ રૂપિયાથી વધુનો આવકવેરો જમા કરાવ્યો હતો. છેલ્લા પાંચ વર્ષમાં સરકારે મંત્રીઓના આવકવેરા પાછળ અંદાજે 3.5 કરોડ રૂપિયા ખર્ચ્યા છે.
શહીદના પરિવારને અપાતી સહાયની રકમ પર નવી ફોર્મ્યુલા અમલી
તે જ સમયે, કેબિનેટ બેઠકમાં, મોહન સરકારે વધુ એક મોટો નિર્ણય લીધો. આ અંતર્ગત શહીદોના પરિવારોને આપવામાં આવતી સહાયની રકમ માટે નવી ફોર્મ્યુલા લાગુ કરવામાં આવશે. રાજ્યના સૈનિક શહીદ થવાના કિસ્સામાં, સહાયની રકમમાંથી 50% શહીદની પત્નીને અને 50% શહીદના માતાપિતાને આપવામાં આવશે.