T20 વર્લ્ડ કપમાં બાંગ્લાદેશે નેધરલેન્ડને હરાવ્યું. નેધરલેન્ડને 25 રનથી હારનો સામનો કરવો પડ્યો હતો. બાંગ્લાદેશ માટે શાકિબ અલ હસને શાનદાર બેટિંગ પ્રદર્શન કર્યું હતું. શાકિબ અલ હસને 46 બોલમાં 64 રનની ઇનિંગ રમી હતી. તેણે પોતાની ઇનિંગમાં 9 ચોગ્ગા ફટકાર્યા હતા. આ શાનદાર પ્રદર્શન માટે બાંગ્લાદેશી ઓલરાઉન્ડરને પ્લેયર ઓફ ધ મેચનો એવોર્ડ આપવામાં આવ્યો હતો. જોકે, પ્લેયર ઓફ ધ મેચનો એવોર્ડ જીત્યા બાદ શાકિબ અલ હસને પૂર્વ ભારતીય દિગ્ગજ વિરેન્દ્ર સેહવાગ પર ભડાસ નીકાળી છે.
‘કોણ છે વીરેન્દ્ર સેહવાગ…?’
તાજેતરમાં જ પૂર્વ ભારતીય ખેલાડી વીરેન્દ્ર સેહવાગે શાકિબ અલ હસનની ટીકા કરી હતી. વીરેન્દ્ર સેહવાગે કહ્યું હતું કે શાકિબ અલ હસનને સંન્યાસ લઈ લેવો જોઈએ. પરંતુ આ વાત શાકિબ અલ હસનને નારાજ કરી. તેણે નેધરલેન્ડ સામે પ્લેયર ઓફ ધ મેચનો એવોર્ડ જીત્યા બાદ વીરેન્દ્ર સેહવાગ પર પ્રતિક્રિયા આપી હતી. શાકિબ અલ હસનનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં વીરેન્દ્ર સેહવાગ વિશે સવાલ પૂછવામાં આવ્યો હતો. જેના જવાબમાં શાકિબ અલ હસન કહે છે કોણ વિરેન્દ્ર સેહવાગ?
આ સિવાય શાકિબ અલ હસન કહી રહ્યો છે કે હું મારો પ્લેયર ઓફ ધ મેચનો એવોર્ડ વીરેન્દ્ર સેહવાગને સમર્પિત કરવા માંગુ છું, જેથી તે ક્રિકેટ પર ભાષણ આપવાને અલવિદા કહી શકે. શાકિબ અલ હસનનું નિવેદન સોશિયલ મીડિયા પર ઝડપથી વાયરલ થઈ રહ્યું છે. આ સિવાય સોશિયલ મીડિયા યુઝર્સ શાકિબ અલ હસનને સતત ટ્રોલ કરી રહ્યા છે. શાકિબ અલ હસન સતત વીરેન્દ્ર સેહવાગ સાથે ટ્રેન્ડ કરી રહ્યો છે. તમને જણાવી દઈએ કે બાંગ્લાદેશે નેધરલેન્ડને 25 રનથી હરાવ્યું હતું. પ્રથમ બેટિંગ કરવા આવેલી નેધરલેન્ડે 20 ઓવરમાં 5 વિકેટે 159 રન બનાવ્યા હતા. જેના જવાબમાં નેધરલેન્ડ 20 ઓવરમાં 8 વિકેટે 134 રન જ બનાવી શક્યું હતું.