ઇઝરાયેલ દક્ષિણના શહેર રફાહમાં હમાસ વિરુદ્ધ એક્શન મોડમાં છે. ઈઝરાયેલ દ્વારા ચાલી રહેલા સૈન્ય ઓપરેશનને કારણે સંયુક્ત રાષ્ટ્રએ રફાહમાં ખાદ્યપદાર્થોના વિતરણ પર પ્રતિબંધ મૂક્યો છે.
સપ્લાયની અછત અને ઇઝરાયેલના વધતા લશ્કરી અભિયાનના પરિણામે અસ્થિર સુરક્ષા પરિસ્થિતિને કારણે સંયુક્ત રાષ્ટ્રએ રફાહ શહેરમાં ખાદ્ય ચીજોના વિતરણ પર પ્રતિબંધ મૂક્યો છે. યુનાઈટેડ નેશન્સે ચેતવણી આપી છે કે, હવે સમગ્ર પ્રદેશમાં માનવતાવાદી સહાય કામગીરી હાથ ધરવી મુશ્કેલ છે. રૂટ બંધ અને અરાજકતા વચ્ચે યુએસ નેવીને પણ મુશ્કેલીનો સામનો કરવો પડ્યો છે. સપ્તાહના અંતમાં, યુદ્ધગ્રસ્ત ગાઝા પટ્ટીમાં યુ.એસ. દ્વારા બાંધવામાં આવેલા ફ્લોટિંગ પિયર દ્વારા રાહત પુરવઠો વહન કરતી ટ્રકો પ્રથમ વખત મુશ્કેલીગ્રસ્ત વિસ્તારમાં પહોંચી હતી.
દુષ્કાળ જેવી સ્થિતિ
યુએન વર્લ્ડ ફૂડ પ્રોગ્રામ (ડબ્લ્યુએફપી) એ જણાવ્યું હતું કે મધ્ય ગાઝામાં ખોરાકની અછત બની રહી છે, જ્યાં રફાહમાંથી ભાગી રહેલા હજારો લોકો નવા કેમ્પ બનાવી રહ્યા છે, અથવા એવા વિસ્તારોમાં જઈ રહ્યા છે જે પહેલાથી જ ઇઝરાયલી હુમલાઓથી બરબાદ થઈ ગયા છે. WFPના પ્રવક્તા અબીર અતેફાએ જણાવ્યું હતું કે, “ગાઝામાં માનવતાવાદી કામગીરી ચાલુ રાખવી મુશ્કેલ છે, જેના કારણે જો ગાઝામાં મોટી માત્રામાં ખાદ્યપદાર્થો અને અન્ય પુરવઠો ફરી શરૂ કરવામાં નહીં આવે તો દુકાળ જેવી સ્થિતિ સર્જાશે.”
ખાદ્ય ચીજવસ્તુઓનું વિતરણ થતું નથી
યુનાઈટેડ નેશન્સ રિલીફ એન્ડ વર્ક્સ એજન્સી ફોર પેલેસ્ટાઈન રેફ્યુજીસ (UNRWA) એ સોશિયલ મીડિયા પ્લેટફોર્મ ‘X’ પર એક પોસ્ટમાં રફાહમાં ખોરાકનું વિતરણ અટકાવવાની જાહેરાત કરી હતી. UNRWA એ સોશિયલ મીડિયા પ્લેટફોર્મ પર લખ્યું કારણ રોકી દેવામાં આવ્યું છે.
ઈઝરાયેલે વ્યૂહરચના બદલી
આ દરમિયાન અહીં એ પણ જણાવી દઈએ કે, હમાસને ખતમ કરવાના ઉદ્દેશ્ય સાથે દક્ષિણી રફાહ શહેરમાં લાંબા સમયથી આયોજિત મોટા સૈન્ય ઓપરેશનને લઈને ઈઝરાયેલે અમેરિકી રાષ્ટ્રપતિ જો બિડેનની ઘણી ચિંતાઓને દૂર કરી છે. બિડેન પ્રશાસનના એક વરિષ્ઠ અધિકારીએ આ અંગે માહિતી આપી છે. વ્હાઇટ હાઉસના રાષ્ટ્રીય સુરક્ષા સલાહકાર જેક સુલિવાન સાથે સપ્તાહના અંતે વાતચીતમાં, ઇઝરાયેલના અધિકારીઓએ સાત મહિનાના યુદ્ધ દરમિયાન રફાહમાં કામગીરીને વધુ તીવ્ર બનાવવાની તેમની યોજનામાં ઘણા ફેરફારો કર્યા, અધિકારીએ નામ જાહેર ન કરવાની શરતે જણાવ્યું હતું.