જાપાનમાં શરૂ થયો લગ્નનો નવો ટ્રેન્ડ, જાણો શું છે ‘ફ્રેન્ડશિપ મેરેજ’?

મીડિયા રિપોર્ટ અનુસાર, આ લગ્નની એક નવી રીત છે, જેમાં યુવાનો પાર્ટનર તો બની રહ્યા છે. પરંતુ આ લગ્નમાં ન તો પ્રેમ છે અને ન તો શારીરિક સંબંધને અવકાશ છે.

લગ્ન એટલે બે આત્માઓનું મિલન, બે શરીરનું મિલન. લગ્નની વર્ષો જૂની આ વિભાવનામાં વારંવાર ફેરફારો થયા છે. લિવ ઇન રિલેશનશિપ પણ આવો જ એક ફેરફાર છે. જેમાં લગ્ન કરવાની જરૂર નથી પણ પતિ-પત્નીની જેમ જીવવામાં કોઈ વાંધો નથી. લગ્ન નામની સંસ્થામાં એક નવો પ્રયોગ થઈ રહ્યો છે. આ પ્રયોગ જાપાનમાં કરવામાં આવી રહ્યો છે. જ્યાં યુવાનોમાં ફ્રેન્ડશિપ મેરેજનું ચલણ ખૂબ જ ઝડપથી વધી રહ્યું છે. સાઉથ ચાઈના મોર્નિંગ પોસ્ટ અનુસાર, આ લગ્નની એક નવી રીત છે, જેમાં યુવાનો ભાગીદાર બની રહ્યા છે પરંતુ આ લગ્નમાં ન તો પ્રેમ છે અને ન તો શારીરિક સંબંધને અવકાશ છે. શક્ય છે કે જાપાનની 124 મિલિયન વસ્તીમાંથી એક ટકા લોકો આ પ્રકારના લગ્નને પસંદ કરી રહ્યા હોય.

‘ફ્રેન્ડશિપ મેરેજ’ શું છે?

મિત્રતા લગ્નનો અર્થ એ છે કે, યુવાનો કાયદેસર રીતે મેરિડ હોય છે. પરંતુ પતિ પત્નીઓની જેમ રોમાન્સ કે અન્ય જવાબદારીઓ નિભાવતા નથી. જો તેઓ ઈચ્છે તો આર્ટીફિશયલ ઇંસેમિનેશન દ્વારા પણ બાળકો પેદા કરી શકે છે. આ લગ્નમાં બંને પાર્ટનરને બીજા પાર્ટનર સાથે રિલેશનશિપમાં રહેવાની સ્વતંત્રતા પણ મળે છે. આવા જ એક કપલએ SCMPને એક ઈન્ટરવ્યુમાં કહ્યું કે, મિત્રતા લગ્ન એ સમાન વિચારવાળા રૂમમેટને પસંદ કરવા જેવું છે. આવા લગ્નમાં, પાર્ટનર એ પણ નક્કી કરે છે કે, તેઓ ઘરના ખર્ચને કેવી રીતે વહેંચશે. લોન્ડ્રી, સફાઈ અને અન્ય કામ સંયુક્ત રીતે કેવી રીતે થશે?

‘ફ્રેન્ડશિપ મેરેજ’ કોને ગમે છે?

SCMP રિપોર્ટ અનુસાર, 32.5 વર્ષથી વધુ ઉંમરના યુવાનો આ પ્રકારના લગ્નને પસંદ કરી રહ્યા છે. આ લગ્ન તે લોકો દ્વારા પણ પસંદ કરવામાં આવે છે જેઓ લગ્ન પછી પણ મુક્ત રહેવા માંગે છે. અથવા તેમની શારીરિક સંબંધની પસંદગીઓ અલગ હોય છે. આવા લગ્નોનો રેકોર્ડ રાખતી સંસ્થા કોલરસના જણાવ્યા અનુસાર માર્ચ 2015થી અત્યાર સુધીમાં સોથી વધુ લોકોએ આ રીતે લગ્ન કર્યા છે અને પોતાના પરિવારનો વિસ્તાર પણ કર્યો છે. આપણે ભારતમાં આ પ્રથાને એકસ્ટ્રા મેરિટલ અફેર કહેવામાં આવે છે.