અમદાવાદની આ શાળાઓને બોમ્બની ધમકી મળી,ગુજરાત પોલીસે તપાસ શરૂ કરી

છેલ્લા ઘણા દિવસોથી દિલ્હી એનસીઆરની 100 થી વધુ શાળાઓને બોમ્બની ધમકી મળી હતી. જે બાદ વહીવટીતંત્રમાં ખળભળાટ મચી ગયો હતો. હવે પ્રાપ્ત માહિતી અનુસાર અમદાવાદની 7 થી વધુ શાળાઓને ઈમેલ દ્વારા બોમ્બની ધમકી મળી છે. અમદાવાદ પોલીસ આ મામલે તપાસ કરી રહી છે. આ મામલે વધુ માહિતીની રાહ જોવાઈ રહી છે.

છેલ્લા ઘણા દિવસોથી દિલ્હી એનસીઆરની 100 થી વધુ શાળાઓને બોમ્બની ધમકી મળી હતી. જે બાદ વહીવટીતંત્રમાં ખળભળાટ મચી ગયો હતો. આ સાથે જ હવે મળતી માહિતી મુજબ અમદાવાદની 7થી વધુ શાળાઓને ઈમેલ દ્વારા બોમ્બની ધમકી મળી છે. અમદાવાદ પોલીસ આ મામલે તપાસ કરી રહી છે. આ મામલે વધુ માહિતીની રાહ જોવાઈ રહી છે.

આ સ્કૂલોને મળ્યા છે ઇ-મેઈલ

1. ઓએનજીસી કેન્દ્રીય વિદ્યાલય ચાંદખેડા ઝોન- 2 2. એશિયા ઈંગ્લિશ સ્કૂલ વસ્ત્રાપુર ઝોન- 1 ૩. અમૃતા વિદ્યાલય ઘાટલોડિયા ઝોન- 1 4. કેલોરેક્ષ સ્કૂલ ઘાટલોડિયા ઝોન- 1 5. ન્યૂ નોબલ સ્કૂલ વ્યાસવાડી, નરોડા 6. ડી.પી.એસ, બોપલ 7. આનંદ નિકેતન, બોપલ 8. ઉદગમ સ્કૂલ,9. ઝેબર સ્કૂલ

હાલ અમે તપાસ કરી રહ્યા છીએઃ DCP આ અંગે ક્રાઇમ બ્રાન્ચના ડીસીપી અજિત રાજિયાણે જણાવ્યું હતું કે, 7 જેટલી સ્કૂલને ઇ-મેઈલથી ધમકી મળી છે. હાલ અમે તપાસ કરી રહ્યા છીએ. truemail.io ચેક કરતા આ ધમકીભર્યો ઇ-મેઈલ ફેક ઇ-મેઈલથી આવ્યો છે. ઉલ્લેખનીય છે કે, truemail.io એક વેરિફાય પ્લેટફોર્મ છે. જેમ ટ્રુ કોલર મોબાઈલમાં સામે વાળાના નંબરની જાણકારી તમે છે, તેમ truemail.io ઇ-મેઈલ એડ્રેસ કોનું છે, તેની માહિતી આપે છે.

તમને જણાવી દઈએ કે, દિલ્હીની સ્કૂલોને આ પ્રકારના ધમકીભર્યા ઇ-મેઈલ વારંવાર મોકલવામાં આવ્યા છે. ફેબ્રુઆરી મહિનામાં, દિલ્હીના આરકેપુરમ સ્થિત ડીપીએસ સ્કૂલના પ્રિન્સિપાલને આવો જ એક ઇ-મેઈલ મોકલવામાં આવ્યો હતો. ફેબ્રુઆરીમાં સાકેતની એમિટી સ્કૂલને પણ આવો જ ઇ-મેઈલ મોકલવામાં આવ્યો હતો. આ ઇ-મેઈલમાં સ્કૂલ પાસેથી પૈસા પણ માગવામાં આવ્યા હતા.