રિંકુ સિંહ ટી20 વર્લ્ડ કપની ટીમમાં પસંદ ન થવાથી દુઃખી છે. પિતા ખાનચંદ્ર સિંહે કહ્યું કે તેમના પુત્રનું દિલ તૂટી ગયું છે. આગામી T20 વર્લ્ડ કપ માટે ભારતની 15 સભ્યોની ટીમની જાહેરાત કરવામાં આવી છે, જેમાં રિંકુને જગ્યા મળી નથી. તેને રિઝર્વ ખેલાડીઓમાં સ્થાન આપવામાં આવ્યું છે. રિંકુએ આંતરરાષ્ટ્રીય ક્રિકેટમાં પદાર્પણ કર્યા બાદ શાનદાર પ્રદર્શન કર્યું છે. તે ટીમ ઈન્ડિયાનો નવો ફિનિશર બની ગયો છે.
રિંકુના પિતાનું કહેવું છે કે તેમણે ઘરે જ મીઠાઈ અને ફટાકડાનો ઓર્ડર આપ્યો હતો. પરંતુ 15 સભ્યોની ટીમમાં તેમના પુત્રનું નામ સામેલ ન થતાં તેઓ પણ દુઃખી થયા હતા. પિતાનું કહેવું છે કે તે ખુશ છે કે પુત્ર ટીમની સાથે રહેશે.
![](https://lalluramgujarati.com/wp-content/uploads/2024/05/rinku-singh-3-1024x576.jpg)
રિંકુ સિંહના પિતા ખાનચંદ્ર સિંહે જણાવ્યું હતું કે, ‘ઘણી અપેક્ષાઓ હતી. અમે મીઠાઈ અને ફટાકડા લાવ્યા હતા. વિચાર્યું કે તે ટીમમાં રમશે. થોડું દુઃખ છે કે તેનું નામ 15 સભ્યોની ટીમમાં નહોતું. આ આઈપીએલમાં તે અપેક્ષા મુજબનું પ્રદર્શન કરી શક્યો નથી. તે માત્ર 123 રન જ બનાવી શક્યો હતો.
જ્યારે તેમને પૂછવામાં આવ્યું કે શું તમે રિંકુ સિંહ સાથે વાત કરી છે? તેના પર પિતાએ કહ્યું કે ટી-20 વર્લ્ડકપની ટીમમાં સ્થાન ન મળવાથી નિરાશ છીએ પરંતુ તે ટીમ સાથે જઈ રહ્યો છે. ડાબોડી બેટ્સમેન રિંકુ સિંહે ભારત માટે 15 T20 આંતરરાષ્ટ્રીય મેચોમાં 176ના સ્ટ્રાઈક રેટથી 356 રન બનાવ્યા છે. ઈજાગ્રસ્ત ખેલાડીઓની જગ્યાએ રિઝર્વ ખેલાડીઓને ટીમમાં સામેલ કરી શકાય છે.