Gandhinagar: ગુજરાતને નવા લોકાયુક્ત મળ્યા, નિવૃત્ત જસ્ટિસ બીરેન એ. વૈષ્ણવની રાજ્ય લોકાયુક્ત તરીકે નિમણૂક

Gandhinagar: ગુજરાત સરકારે ગુજરાત લોકાયુક્ત તરીકે નિવૃત્ત ન્યાયાધીશની નિમણૂક કરી છે. ૧૩ મે, ૨૦૨૬ ના રોજ સામાન્ય વહીવટ વિભાગ દ્વારા જારી કરાયેલા એક જાહેરનામા અનુસાર, ગુજરાતના રાજ્યપાલે ગુજરાત લોકાયુક્ત અધિનિયમ, ૧૯૮૬ ની કલમ ૩(૧) હેઠળ નિમણૂકને મંજૂરી આપી છે. ન્યાયાધીશ (નિવૃત્ત) બિરેન એ. વૈષ્ણવ પાંચ વર્ષ માટે લોકાયુક્ત પદ સંભાળશે.

આજે, ગાંધીનગરના લોકભવન ખાતે, ગુજરાતના રાજ્યપાલ આચાર્ય દેવવ્રતે નિવૃત્ત ન્યાયાધીશ બિરેન વૈષ્ણવને ગુજરાત રાજ્યના લોકાયુક્ત તરીકે શપથ લેવડાવ્યા. શપથ ગ્રહણ સમારોહ લોકભવનમાં મુખ્યમંત્રી ભૂપેન્દ્રભાઈ પટેલ, વિધાનસભા અધ્યક્ષ શંકરભાઈ ચૌધરી અને નાયબ મુખ્યમંત્રી હર્ષ સંઘવીની હાજરીમાં યોજાયો હતો.

શપથ ગ્રહણ સમારોહમાં મુખ્યમંત્રી ભૂપેન્દ્રભાઈ પટેલ, વિધાનસભા અધ્યક્ષ શંકરભાઈ ચૌધરી, નાયબ મુખ્યમંત્રી હર્ષ સંઘવી, મંત્રીમંડળના સભ્યો અને વરિષ્ઠ અધિકારીઓ હાજર રહ્યા હતા. રાજ્યપાલ, મુખ્યમંત્રી અને ઉપસ્થિત અન્ય મહાનુભાવોએ નવનિયુક્ત લોકાયુક્તને અભિનંદન પાઠવ્યા હતા.