ગુજરાત સ્થાપના દિવસ પર Arvind Kejariwalએ પાઠવી શુભેચ્છાઓ: કહ્યું- “ગુજરાત રાષ્ટ્રનું ગૌરવ છે”*

Arvind Kejariwal: ગુજરાત સ્થાપના દિવસના શુભ પ્રસંગે આમ આદમી પાર્ટીના રાષ્ટ્રીય સંયોજક અરવિંદ કેજરીવાલે રાજ્યના તમામ નાગરિકોને હાર્દિક શુભેચ્છાઓ પાઠવી. ગુજરાતની સ્થાપના ૧ મે, ૧૯૬૦ ના રોજ બોમ્બે રાજ્યથી અલગ થઈને થઈ હતી, અને ત્યારથી, ગુજરાતે વિકાસ, ઉદ્યોગ, વેપાર અને સંસ્કૃતિના ક્ષેત્રોમાં એક અનોખું સ્થાન પ્રાપ્ત કર્યું છે. ગુજરાતની ભૂમિ મહાન પરંપરા, સંસ્કૃતિ અને સતત મહેનતનું પ્રતીક રહી છે.

અરવિંદ કેજરીવાલે કહ્યું કે ગુજરાતની સમૃદ્ધ સંસ્કૃતિ અને મહેનતુ લોકો સમગ્ર રાષ્ટ્ર માટે ગૌરવનો સ્ત્રોત છે. તેમણે પ્રાર્થના વ્યક્ત કરી કે ગુજરાતના લોકો હંમેશા સમૃદ્ધ રહે અને રાજ્યના દરેક નાગરિકને શાંતિ, પ્રગતિ અને સમાન અધિકારો મળે. તેમણે ઉમેર્યું કે ગુજરાતના લોકો દેશના વિકાસમાં મહત્વપૂર્ણ યોગદાન આપે છે અને ભવિષ્યમાં રાજ્ય નવી ઊંચાઈઓ સ્પર્શે તેવી શુભેચ્છાઓ વ્યક્ત કરી.