Rajkot: ACBએ ગોઠવેલા છટકામાં CGST સુપરિન્ટેન્ડેન્ટ અને ટેક્સ કન્સલ્ટન્ટને 20 લાખ રૂપિયાની લાંચ લેતા રંગે હાથે પકડાયા

Rajkot: રાજકોટમાં CGST ઓફિસના એક સુપરિન્ટેન્ડેન્ટ અને તેમના વતી ટેક્સ કન્સલ્ટન્ટને ₹20 લાખની મોટી રકમ સાથે રંગે હાથે પકડવામાં આવ્યા છે.

શું મામલો હતો?

ફરિયાદી સામે GST ઓફિસમાં કર ન ભરવા અને નકલી ઇન્વોઇસ બનાવવા બદલ અરજી દાખલ કરવામાં આવી હતી. વધુ કાર્યવાહી ટાળવા અને મામલો ઉકેલવા માટે, સુપરિન્ટેન્ડેન્ટ મુકેશ કુમાર મનબોધ કુમારે ₹25 લાખની લાંચ માંગી હતી. લાંબી ચર્ચા-વિચારણા પછી, ₹20 લાખ ચૂકવવાનું નક્કી કરવામાં આવ્યું.

ACBએ સફળતાપૂર્વક છટકું ગોઠવ્યું

ફરિયાદીએ લાંચ આપવાનો ઇનકાર કર્યો હતો, તેથી તેણે તાત્કાલિક ACBનો સંપર્ક કર્યો. સુપરિન્ટેન્ડેન્ટ મુકેશ કુમારે ટેક્સ કન્સલ્ટન્ટ આકાશ કલોલિયાને લાંચની રકમ પહોંચાડવા સૂચના આપી. ACB ટીમે રાજકોટ ST બસ સ્ટેશન પાછળના ક્રિએટિવ કોમ્પ્લેક્સમાં છટકું ગોઠવ્યું. આકાશ કલોલિયાએ ફરિયાદી પાસેથી ₹20 લાખ સ્વીકારતાની સાથે જ ACBએ તાત્કાલિક સ્થળ પર દરોડો પાડ્યો અને તેને પકડી લીધો. સુપરિન્ટેન્ડેન્ટ મુકેશ કુમારની પણ ધરપકડ કરવામાં આવી છે.

ભ્રષ્ટાચારીઓમાં ફફડાટ

ACB ની આ કાર્યવાહીથી સરકારી કચેરીઓમાં ભ્રષ્ટ અધિકારીઓમાં ખળભળાટ મચી ગયો છે. પોલીસે બંને આરોપીઓ સામે કેસ દાખલ કર્યો છે અને આગળની કાનૂની કાર્યવાહી હાથ ધરી છે. એક જાગૃત નાગરિકની હિંમતને કારણે લાખો રૂપિયાના ભ્રષ્ટાચારનો પર્દાફાશ થયો છે.