Vadodara: વોર્ડ નંબર 14 માં વાડી નાની શાકભાજી માર્કેટ સામે ભાજપ અને કોંગ્રેસના કાર્યકરો વચ્ચે ઘર્ષણ

Vadodara: વડોદરા મ્યુનિસિપલ કોર્પોરેશનની ચૂંટણીમાં, વોર્ડ નંબર 14 માં ભાજપ અને કોંગ્રેસના ઉમેદવારો વચ્ચે અથડામણ થઈ હતી, જેના કારણે પક્ષના કાર્યકરો વચ્ચે ઝપાઝપી થઈ હતી.

વડોદરા એ કોર્પોરેશનની ચૂંટણી માટે આજે શાંતિપૂર્ણ રીતે મતદાન ચાલી રહ્યું હતું, ત્યારે વોર્ડ નંબર 14 માં વાડી નાની શાકભાજી માર્કેટની સામેના મતદાન મથક પર વિવાદ થયો હતો, જ્યાં કોંગ્રેસના ઉમેદવારને પ્રવેશ ન આપવામાં આવ્યો હતો. આ વાતની જાણ થતાં કોંગ્રેસના ભૂતપૂર્વ નેતા ચંદ્રકાંત શ્રીવાસ્તવ અને તેમના સમર્થકો પણ મતદાન મથક પર પહોંચ્યા હતા. પ્રવેશ મુદ્દે ભાજપ અને કોંગ્રેસના કાર્યકરો વચ્ચે ઝપાઝપી થઈ હતી. ભાજપ કાર્યકરો મતદાન મથકની આસપાસ મોબાઇલ ફોન લઈને ફરતા હતા, જેનો કોંગ્રેસ પક્ષે વાંધો ઉઠાવ્યો હતો. ઉગ્ર દલીલ થઈ હતી, ત્યારબાદ ઝપાઝપી થઈ હતી. પરિસ્થિતિ શાંત કરવા પોલીસે દરમિયાનગીરી કરી હતી.