Love Jihad in Kheda: 9 યુવાનોએ સગીર છોકરી પર આચર્યુ સામુહિક દુષ્કર્મ, વીડિયો વાયરલ કરવાની ધમકી આપી, 8ની ધરપકડ

Love Jihad in Kheda: ખેડામાં લવજેહાદની ચોંકાવનારી ઘટના સામે આવી છે. 9 યુવાનોએ લવ જેહાદની આડમાં સગીરા પર 3 વર્ષ સુધી ગેંગરેપ કર્યો હતો. માહિતી મુજબ, આરોપીઓએ છોકરીને પ્રેમજાળમાં અને પછી તેના અંગત ફોટા અને વીડિયો વાયરલ કરવાની ધમકી આપી બ્લેકમેઈલ કરતો હતો. આ કેસમાં ખેડા ટાઉન પોલીસે કેસ નોંધીને 8 આરોપીઓની ધરપકડ કરી છે.

ખેડામાં લવ જેહાદ: નવ યુવાનોએ એક સગીર છોકરી પર દુષ્કર્મ આચર્યુ

પ્રાપ્ત માહિતી અનુસાર, મુખ્ય આરોપી પરવેઝ પઠાણે બે વર્ષ પહેલા સગીરાને પ્રેમ જાળમાં ફસાવી હતી. આ સમય દરમિયાન પરવેઝે સગીરા સાથે શારીરિક સંબંધો બાંધ્યા હતા અને વાંધાજનક ફોટા અને વીડિયો બનાવીને તેને બ્લેકમેલ કરવાનું શરૂ કર્યું હતું.

આરોપી પરવેઝે સગીરાના વાંધાજનક ફોટા અને વીડિયો તેના મિત્રોને બતાવ્યા. ત્યારબાદ, તેના આઠ મિત્રોએ સગીરાને ધમકી આપી હતી કે જો તે તેના પરિવારને કહેશે, તો તેઓ સોશિયલ મીડિયા પર વીડિયો વાયરલ કરશે અને તેને જાનથી મારી નાખશે.

આમ, સગીરાને 2023 થી 2025 દરમિયાન પુરુષો દ્વારા ધમકી અને શોષણ કરવામાં આવતું હતું. જોકે, સગીરાએ આખરે હિંમત ભેગી કરી અને તેના પરિવારને જાણ કરી, જેના પગલે ખેડા ટાઉન પોલીસ સ્ટેશનમાં ભારતીય દંડ સંહિતા (IPC) અને POCSO એક્ટ હેઠળ મુખ્ય આરોપી પરવેઝ પઠાણ, માહિર, ફૈઝાન, સાહિલ અને તૌફિક સહિત નવ આરોપીઓ સામે ફરિયાદ દાખલ કરવામાં આવી. પોલીસે આ કેસના સંદર્ભમાં આઠ લોકોની ધરપકડ કરી છે અને વધુ તપાસ કરી રહી છે.