Ahmedabad: શહેરના નોબલનગર પાસે કચરાના ઢગલામાંથી મહિલાનો સળગેલો મૃતદેહ મળ્યો, પોલીસે તપાસ શરૂ કરી

Ahmedabad: અમદાવાદના નોબલનગર સ્ક્વેર પાસે (૧૭ માર્ચ) એક અજાણી મહિલાનો સળગેલો મૃતદેહ મળી આવ્યો હતો, જેનાથી વિસ્તારમાં ભયનો માહોલ ફેલાયો હતો. ફૂટપાથ પર કચરાના ઢગલામાંથી સળગેલો મૃતદેહ મળી આવ્યો હતો, જેનાથી હત્યાની શંકા ઉભી થઈ હતી.

કચરાના ઢગલામાંથી મૃતદેહ મળી આવ્યો

અહેવાલો અનુસાર, સ્થાનિકોને નોબલનગર સ્ક્વેર પાસે ફૂટપાથ પર કચરાના ઢગલામાંથી એક મૃતદેહ મળ્યો હતો. લાશ ખરાબ રીતે બળી ગઈ હતી, જેના કારણે ત્યાં હાજર લોકોમાં ગભરાટ ફેલાયો હતો. પોલીસ કંટ્રોલ રૂમને જાણ કરવામાં આવી હતી.

ઘટનાની માહિતી મળતા જ એરપોર્ટ પોલીસનો કાફલો ઘટનાસ્થળે પહોંચ્યો હતો. પ્રથમ દ્રષ્ટિએ આ હત્યાનો મામલો લાગે છે. પોલીસને શંકા છે કે મહિલાની અન્યત્ર હત્યા કરવામાં આવી હશે અને પછી ફૂટપાથ પર લાવીને પુરાવાનો નાશ કરવા માટે કચરા સાથે સળગાવી દેવામાં આવી હશે. પોલીસ હાલમાં આ મામલાની તપાસ કરી રહી છે.