સરકારે નાણાકીય વર્ષ 2026 ના ત્રીજા ક્વાર્ટર માટે GDP વૃદ્ધિ દરના આંકડા 7.8% જાહેર કર્યા. આ આંકડો અપેક્ષા કરતા વધારે છે અને વાર્ષિક ધોરણે વધારો પણ દર્શાવે છે.
ડિસેમ્બર ક્વાર્ટરમાં ભારતની અર્થવ્યવસ્થા 7.8% ના દરે વૃદ્ધિ પામી હતી, જે અંદાજિત 7.4% કરતા વધુ છે. આ સમયગાળા દરમિયાન, દેશના આર્થિક ડેટામાં સુધારો કરવામાં આવ્યો હતો, અને તહેવારોની મોસમ દરમિયાન માંગમાં વધારો થવાથી ઉત્પાદનમાં વધારો થયો હતો. વિવિધ ક્ષેત્રોમાં GST ઘટાડાથી પણ અર્થતંત્રને ટેકો મળ્યો હતો.
એક વર્ષ પહેલાના સમાન ક્વાર્ટરમાં (2011-12ના આધાર વર્ષના આધારે), GDP વૃદ્ધિ દર 6.2% હતો. પાછલા ક્વાર્ટરમાં 8.2% વૃદ્ધિ દર જોવા મળ્યો હતો. આનો અર્થ એ થયો કે પાછલા ક્વાર્ટરની તુલનામાં થોડો ઘટાડો થયો છે, પરંતુ ગયા વર્ષ કરતાં વૃદ્ધિ સારી છે. નવીનતમ આંકડા નવા આધાર વર્ષ હેઠળ જાહેર કરવામાં આવ્યા છે. સરકારે હવે ૨૦૧૧-૧૨ને બદલે ૨૦૨૨-૨૩ને નવા આધાર વર્ષ તરીકે ઉપયોગ કરીને GDP ના આંકડા જાહેર કર્યા છે.
આંકડા અને કાર્યક્રમ અમલીકરણ મંત્રાલય (MoSPI) એ સુધારેલા માળખાનો ઉપયોગ કરીને ડેટા રજૂ કર્યો છે. માર્ચમાં પૂરા થતા નાણાકીય વર્ષ માટે આગોતરા અંદાજ પણ આ નવી સિસ્ટમ હેઠળ જાહેર કરવામાં આવશે. એવું માનવામાં આવે છે કે આનાથી ભારતનું અર્થતંત્ર અગાઉના અંદાજ કરતાં વધુ મજબૂત દેખાઈ શકે છે.