Nepal: મંગળવારે મધ્ય નેપાળમાં એક દુ:ખદ ઘટના બની. મુસાફરોથી ભરેલી બસ રસ્તા પરથી લપસીને સીધી નદીમાં ખાબકી. સ્થાનિક મીડિયાએ અહેવાલ આપ્યો છે કે આ અકસ્માતમાં 12 લોકોએ જીવ ગુમાવ્યા છે. અન્ય આઠ ઘાયલ થયા છે અને તેમને સારવાર માટે હોસ્પિટલમાં દાખલ કરવામાં આવ્યા છે.
આ અકસ્માત સવારે 11 વાગ્યે થયો હતો
ધ કાઠમંડુ પોસ્ટ અનુસાર, આ ઘટના મંગળવારે સવારે 11 વાગ્યાની આસપાસ બની હતી. બસ નેપાળની રાજધાની કાઠમંડુથી ઓખલધુંગા જઈ રહી હતી. જ્યારે બસ બાગમતી પ્રાંતના રામેછાપ મ્યુનિસિપાલિટી વિસ્તારમાં પહોંચી ત્યારે અચાનક કાબુ ગુમાવ્યો અને સીધી વહેતી તમકોશી નદીમાં ખાબકી ગઈ.
દસ મૃતકોની ઓળખ થઈ ગઈ છે
ધ હિમાલયન ટાઈમ્સે મૃતકોની વિગતો આપતા મંથલી હોસ્પિટલના મેડિકલ સુપરિન્ટેન્ડેન્ટ ડૉ. કેશવ સિંહ ધામીને ટાંકીને જણાવ્યું હતું. ડૉ. ધામીએ જણાવ્યું હતું કે અકસ્માતમાં મૃત્યુ પામેલા 12 મુસાફરોમાંથી દસની ઓળખ થઈ ગઈ છે. બાકીના મૃતદેહોની ઓળખ કરવાના પ્રયાસો ચાલુ છે.