Us terrif: મેક ઇન ઇન્ડિયા પ્રોડક્ટ્સ પર ટેરિફ ઘટાડ્યા’, યુએસ ટેરિફ ઘટાડાની જાહેરાત પર પીએમ મોદીની પહેલી પ્રતિક્રિયા

Us terrif: વડાપ્રધાન નરેન્દ્ર મોદીએ તેમના સોશિયલ મીડિયા પ્લેટફોર્મ X પર લખ્યું કે તેમણે યુએસ રાષ્ટ્રપતિ ડોનાલ્ડ ટ્રમ્પ સાથે વાત કરી અને અમેરિકાએ ‘મેડ ઇન ઇન્ડિયા’ પ્રોડક્ટ્સ પર ટેરિફ ઘટાડીને 18% કર્યો છે તે જાણીને આનંદ થયો. પીએમ મોદીએ ટ્રમ્પનો આભાર માન્યો અને કહ્યું કે આ જાહેરાત ભારતના 1.4 અબજ લોકો માટે અત્યંત મહત્વપૂર્ણ છે.

‘મેડ ઇન ઇન્ડિયા’ પ્રોડક્ટ્સ પર ટેરિફ ઘટાડ્યા

વડાપ્રધાન મોદીએ લખ્યું કે જ્યારે બે મોટા લોકશાહી દેશો અને વિશ્વના મુખ્ય અર્થતંત્રો સાથે મળીને કામ કરે છે, ત્યારે તે સામાન્ય લોકોને લાભ આપે છે અને દ્વિપક્ષીય સહયોગ માટે નવી તકો ખોલે છે. તેમણે વધુમાં જણાવ્યું કે રાષ્ટ્રપતિ ટ્રમ્પનું નેતૃત્વ વૈશ્વિક શાંતિ, સ્થિરતા અને સમૃદ્ધિ માટે મહત્વપૂર્ણ છે, અને ભારત તેમના શાંતિ પ્રયાસોને સંપૂર્ણ સમર્થન આપે છે.

પીએમ મોદીએ આશા વ્યક્ત કરી કે તેઓ ટ્રમ્પ સાથે મળીને ભારત-અમેરિકા ભાગીદારીને નવી ઊંચાઈઓ પર લઈ જશે. આ પગલું બંને દેશો વચ્ચેના આર્થિક અને વેપાર સંબંધોને મજબૂત બનાવવામાં મદદ કરશે અને ‘મેડ ઇન ઇન્ડિયા’ પ્રોડક્ટ્સને વૈશ્વિક બજારમાં સ્પર્ધાત્મક ધાર આપશે.

ટ્રમ્પે પારસ્પરિક ટેરિફ 25% થી ઘટાડીને 18% કર્યા

નોંધનીય છે કે યુએસ પ્રમુખ ટ્રમ્પે ટ્રુથ સોશિયલ પર લખ્યું હતું કે, “વડાપ્રધાન મોદી પ્રત્યે મિત્રતા અને આદરના કારણે, અને તેમની વિનંતી પર, અમે યુનાઇટેડ સ્ટેટ્સ અને ભારત વચ્ચે એક વેપાર કરાર પર સંમત થયા છીએ, જે તાત્કાલિક અમલમાં આવશે, જેના હેઠળ યુએસ પારસ્પરિક ટેરિફ 25% થી ઘટાડીને 18% કરશે.”

યુએસ પ્રમુખે કહ્યું, “ભારત પણ યુનાઇટેડ સ્ટેટ્સ સામે તેના ટેરિફ અને નોન-ટેરિફ અવરોધોને શૂન્ય કરવા તરફ આગળ વધશે. વડા પ્રધાને 500 અબજ ડોલરથી વધુ મૂલ્યના અમેરિકન ઊર્જા, ટેકનોલોજી, કૃષિ, કોલસો અને અન્ય ઘણા ઉત્પાદનો સહિત અમેરિકન ઉત્પાદનો ખરીદવા માટે પણ પ્રતિબદ્ધતા વ્યક્ત કરી.”

યુએસ રાજદૂત સર્જિયો ગોરે ખુશી વ્યક્ત કરી.

દરમિયાન, ભારતમાં યુએસ રાજદૂત સર્જિયો ગોરે X પર એક પોસ્ટમાં લખ્યું, “જેમ મેં ઘણી વાર કહ્યું છે, રાષ્ટ્રપતિ ટ્રમ્પ ખરેખર વડા પ્રધાન મોદીને સાચા મિત્ર માને છે. આજે સાંજે વેપાર કરારના સમાચારથી હું ખૂબ જ ખુશ છું. યુનાઇટેડ સ્ટેટ્સ અને ભારત વચ્ચેના સંબંધોમાં અમર્યાદિત સંભાવનાઓ રહેલી છે.”