Makar Sankranti 2026: સૂર્ય મકર રાશિમાં પ્રવેશ કરે છે, જાણો શુભ મુહૂર્ત અને તમારી રાશિ પ્રમાણે શું દાન કરવું?

Makar Sankranti 2026: વર્ષ 2026ની શરૂઆતમાં આવી રહેલા મકરસંક્રાંતિના તહેવારને લઈને લોકો ખૂબ જ ઉત્સાહિત છે. જ્યોતિષ અને ખગોળશાસ્ત્રના દૃષ્ટિકોણથી આ દિવસનું વિશેષ મહત્વ છે. જ્યોતિષ ડૉ. હેમિલ પી. લાઠિયાના મતે, ચાલો જાણીએ કે 2026 માં સૂર્ય ક્યારે મકર રાશિમાં પ્રવેશ કરશે અને દાનનું મહત્વ શું હશે.

સંક્રાંતિ સમય અને પંચાંગ

આ વર્ષે, મકરસંક્રાંતિ, એટલે કે સૂર્યનો મકર રાશિમાં પ્રવેશ, બુધવાર, 14 જાન્યુઆરી, 2026 ના રોજ થશે.

સમય: બપોરે 3:08 વાગ્યે (ભારતીય સમય)

તારીખ: પોષ વદ 11

નક્ષત્ર: અનુરાધા

ચંદ્ર રાશિ: વૃશ્ચિક

લગ્ન: વૃષભ

રાશિ દ્વારા દાન: જાણો તમારે શું દાન કરવું જોઈએ?

મકરસંક્રાંતિના પવિત્ર દિવસે શક્ય તેટલું દાન કરવાથી વિશેષ પુણ્ય મળે છે. તમારી રાશિ અનુસાર નીચેની વસ્તુઓનું દાન કરવાની ભલામણ કરવામાં આવે છે.

દાનનું મહત્વ

શાસ્ત્રોમાં દર્શાવેલ દાન ઉપરાંત, આ દિવસે પ્રાણીઓ અને પક્ષીઓને ઘાસ અને ગાયોને ચારો ખવડાવવાનું પણ ખૂબ ફળદાયી માનવામાં આવે છે. જેમ જેમ સૂર્ય ઉત્તર તરફ જાય છે, તેમ તેમ તેનું તેજ વધે છે, જેની માનવ જીવન, ખેતી અને વ્યવસાય પર પણ સકારાત્મક અસર પડે છે.

ઉત્તરાયણ અને મકરસંક્રાંતિનું મહત્વ

જ્યોતિષશાસ્ત્રમાં, સૂર્યના રાશિ પરિવર્તનને સંક્રાંતિ કહેવામાં આવે છે. જ્યારે સૂર્ય મકર રાશિમાં પ્રવેશ કરે છે, ત્યારે તે ઉત્તર તરફ જાય છે, જેને આપણે ઉત્તરાયણ કહીએ છીએ. સાયન પ્રણાલી અનુસાર, સૂર્ય 22 ડિસેમ્બરની આસપાસ મકર રાશિમાં પ્રવેશ કરે છે, જે ઋતુ પરિવર્તન માટે મહત્વપૂર્ણ છે. નિરાયન પ્રણાલી અનુસાર, મકરસંક્રાંતિ 14 જાન્યુઆરીએ ઉજવવામાં આવે છે. આ દિવસે સૂર્યની પૂજા અને દાન કરવું ખૂબ જ ફાયદાકારક છે.