Old Dwarkaના અવશેષો શોધવા માટે સર્વે શરૂ, ASI ટીમે દ્વારકાધીશ મંદિર નજીક શરૂ કરી રિસર્ચ

Research for old Dwarka : ભારતીય પુરાતત્વ સર્વેક્ષણ (ASI) એ દેવભૂમિ દ્વારકા જિલ્લામાં દ્વારકાધીશ મંદિર નજીક જરૂરી સર્વેક્ષણ શરૂ કર્યું છે. ASI ની એક ટીમે ગોમતી નદી અને શારદા મઠ વિસ્તાર વચ્ચે સ્થિત જગત મંદિરના સ્વર્ગ દ્વાર પાસે ખોદકામ શરૂ કર્યું છે. આશરે 5,000 વર્ષ જૂનું માનવામાં આવતું આ જગત મંદિર પ્રદ્યુમ્ન દ્વારા બનાવવામાં આવ્યું હતું. સમુદ્રમાં ડૂબી ગયેલી પ્રાચીન દ્વારકાને શોધવા માટે અગાઉ સર્વેક્ષણ કરવામાં આવ્યું હતું.

પ્રાચીન દ્વારકાના દટાયેલા અવશેષો શોધવા માટે હવે 56 પગથિયાં નજીક ખોદકામ શરૂ થયું છે. આગામી દિવસોમાં પાણીની અંદર પુરાતત્વ શાખા સમુદ્રમાં રહેલા અવશેષોની પણ તપાસ કરશે.

વિભાગના અધિક મહાનિર્દેશક આલોક ત્રિપાઠીએ જણાવ્યું હતું કે દ્વારકા શહેર જેટલું જ ધાર્મિક મહત્વ ધરાવે છે તેટલું જ ઐતિહાસિક અને પુરાતત્વીય મહત્વ ધરાવે છે. 2005 અને 2007 વચ્ચે મર્યાદિત સર્વેક્ષણ હાથ ધરવામાં આવ્યું હતું. સર્વેક્ષણ પૂર્ણ થયા પછી, ભારત સરકારે હવે ચોક્કસ પ્રોજેક્ટ માટે એક નવો સર્વેક્ષણ શરૂ કર્યો છે.