Kapadvanj: ફૂટપાથ પર સુઈ રહેલા શ્રમજીવીઓને કચડી બમ્પર જેસીબી સાથે અથડાયું, બન્ને શ્રમજીવીના ઘટના સ્થળે મોત
Kapadvanj: ખેડા જિલ્લાના કપડવંજ નગરમાં ચિલિંગ સેન્ટર પાસે વહેલી પરોઢિયે એક ગમખ્વાર અકસ્તાત સર્જાયો હતો.અકસ્માતમાં રસ્તાની ફૂટપાથ ઉપર સુઈ રહેલા બે શ્રમજીવીઓના ઘટના સ્થળે જ કરૂણ મોત નિપજ્યા હતા. જેના પગલે બન્ને મૃતકના પરિવારમાં શોકની લાગણી પ્રવર્તી ગઈ હતી.
બનાવ અંગે પ્રાપ્ત વિગતો અનુસાર વહેલી સવારે જેસીબી ચાલકે પોતાનું વાહન દહેગામ કપડવંજ રોડ ઉપર તાલુકા પંચાયતની દિવાલ નજીક અમુલ ચિલિંગ સેન્ટરની સામે રોડ ઉપર ભયજનક રીતે વાહન લાઈટ ચાલુ કર્યા વગર અને કે કોઈ રીફલેક્ટર નહીં લગાવી આવતા-જતા વાહનોને અડચણ રૂપ થાય તે રીતે પાર્ક કર્યું હતું.
આ દરમિયાન પાછળથી આવેલ ડમ્પર ચાલકે પોતાનું વાહન બેફીકરાઈ અને ગફલતભરી રીતે હંકારી પાર્ક કરેલા જેસીબીના આગળના પાવડા ઉપર અથડાવતા ગમખ્વાર અકસ્માત સર્જાયો હતો. જેમાં તાલુકા પંચાયતની વરંડાની બાજુમાં સુઈ રહેલા પંકજભાઈ ભવાનભાઈ પરમાર(આ.ઉ.વ. ૩૦) રહે. મોતીપુરા તાબે જગડુપુર, તા.કપડવંજ તથા તેમના મિત્ર ચંપાબેન શીવાભાઈ(આ.ઉ.વ.૩૦)રહે. માલઈટાડી,તા.કપડવંજનાઓને પાવડાથી ઉછાળી દિવાલમાં તાલુકા પંચાયતની દિવાલ સાથે અથડાવતા તેઓ બન્ને ગંભીર પ્રકારે ઈજાગ્રસ્ત થયા હતા. જેથી બન્નેનું ઘટના સ્થળે મોત નિપજ્યું હતું.
આ ઉપરાંત તેમની સાથે સુઈ રહેલ ગૌતમભાઈ ઉર્ફે કવલો પ્રવિણભાઈ તીરગર હતા. ત્રણેય જણા મોડી રાત સુધી વાતો કરી ફૂટપાથ ઉપર સુઈ ગયા હતા.તે દરમિયાન આ બનાવ બન્યો હતો. બનાવના પગલે કપડવંજ ટાઉન પોલીસ ઘટના સ્થળે દોડી આવી હતી. અને બન્ને મૃતકોને પી. એમ. માટે મોકલી ખોડાભાઈ સાલમભાઈ પરમારનાઓની ફરીયાદના આધારે બન્ને વાહન ચાલકો વિરૂદ્ધ કાયદેસરની કાર્યવાહી હાથ ધરી છે.
આ પણ વાંચો
- Cancer: કેન્સરની 543 દવાઓના ભાવમાં મોટો ઘટાડો… કેટલીક દવાઓના ભાવમાં 90%થી વધુનો ઘટાડો; નવા દરો 9 નવેમ્બરથી અમલી બનશે
- arnab: આંધ્રપ્રદેશમાં પાંચ લોકોનાં મૃત્યુ; ઓડિશાના અનેક જિલ્લાઓમાં એલર્ટ જાહેર; નાયડુએ અમિત શાહને પત્ર લખ્યો
- vande bharat: આ શહેરોને ટૂંક સમયમાં ‘વંદે ભારત સ્લીપર ટ્રેન’ની ભેટ મળી શકે છે; અહીં સંપૂર્ણ રૂટની વિગતો છે
- parineeti chopra: “મૂર્ખાઓની જેમ…” – જેનિફર વિંગેટ સાથે મતભેદ હોવાના અહેવાલો પર પરિણીતી ચોપરા ભડકી ઉઠી, ટ્રોલ કરનારાઓને સણસણતો જવાબ આપ્યો.
- amit shah: ‘અમિત શાહના નિવાસસ્થાને ટાટાની બેઠક શા માટે?’: રાહુલ ગાંધીના સીતારમણને તીખા સવાલો; કહ્યું કે વેપારી સમુદાય સરકારથી પહેલેથી જ નારાજ છે