Pakistan: પાકિસ્તાન આજની UAE સામેની મેચ નહીં રમે, રેફરી વિવાદ બાદ એશિયા કપમાંથી ખસી જવાનો નિર્ણય

Pakistan: પાકિસ્તાન ક્રિકેટ બોર્ડ (PCB) એ એશિયા કપમાં UAE સામેની મેચનો બહિષ્કાર કરવાનો નિર્ણય લીધો છે. મેચ રેફરી એન્ડી પાયક્રોફ્ટને હટાવવાની માંગ કરી રહેલા PCB એ ICC ના ઇનકાર બાદ આ નિર્ણય લીધો. પાકિસ્તાની મીડિયા રિપોર્ટ્સ અનુસાર, PCB એ બુધવારની મેચ માટે તેની ટીમને મેદાનમાં ઉતારવાનો ઇનકાર કર્યો હતો. આ મેચ 17 સપ્ટેમ્બરના રોજ દુબઈમાં રાત્રે 8 વાગ્યે શરૂ થવાની હતી, પરંતુ પાકિસ્તાની ટીમ હજુ પણ શરૂ થવાના બે કલાક પહેલા તેની હોટલમાં હતી. ત્યારે જ પાકિસ્તાની ટીમ દ્વારા આજની મેચનો બહિષ્કાર અને ટુર્નામેન્ટના સમાચાર આવ્યા.

ગ્રુપ A માં પાકિસ્તાન અને UAE વચ્ચેની આ મેચ નોકઆઉટ મેચ હતી, જેમાં વિજેતા ટીમ ટીમ ઇન્ડિયા સાથે સુપર ફોરમાં પ્રવેશ મેળવશે, જ્યારે હારનાર ટીમ બહાર થઈ જશે. જોકે, તે પહેલાં પાકિસ્તાની બોર્ડે મેચનો બહિષ્કાર કરવાનો નિર્ણય લીધો હતો. પાકિસ્તાનનો આ નિર્ણય ICC ને અનેક રાઉન્ડની મીટિંગો અને ઇમેઇલ્સ પછી આવ્યો હતો, જેમાં તેની કોઈ પણ માંગણી પૂર્ણ થઈ ન હતી.