Vice president: સાંજે 5 વાગ્યે મતદાન પૂર્ણ
ઉપરાષ્ટ્રપતિ ચૂંટણી માટે મતદાન મંગળવારે પૂર્ણ થયું, જેમાં રાષ્ટ્રીય લોકશાહી જોડાણ (NDA) ના ઉમેદવાર સી.પી. રાધાકૃષ્ણન અને વિપક્ષી ઉમેદવાર બી. સુદર્શન રેડ્ડી વચ્ચે સીધી સ્પર્ધા હતી. આ ચૂંટણીમાં મતદાન સવારે 10 વાગ્યે શરૂ થયું અને સાંજે 5 વાગ્યા સુધી ચાલુ રહ્યું.
લોકસભા અને રાજ્યસભાના કુલ 781 સાંસદોને ચૂંટણીમાં મતદાન કરવાનો અધિકાર હતો. કોંગ્રેસના નેતા જયરામ રમેશે જણાવ્યું હતું કે વિપક્ષી પક્ષોએ એકતા દર્શાવી છે અને તેમના તમામ 315 સાંસદોએ મતદાન કર્યું છે. તેમણે કહ્યું કે, આ 100 ટકા હાજરી છે, જે પહેલાં ક્યારેય થયું નથી.
બપોરે 3 વાગ્યા સુધી 96 ટકા મતદાન
ઉપરાષ્ટ્રપતિ ચૂંટણીમાં બપોરે 3 વાગ્યા સુધી 96 ટકા મતદાન થયું છે. મતદાન સાંજે 5 વાગ્યા સુધી ચાલુ રહેશે, ત્યારબાદ મત ગણતરી શરૂ થશે.