Gujarat: કચ્છ-સૌરાષ્ટ્રમાં ધોધમાર વરસાદની આગાહી, મધ્ય અને દક્ષિણ ગુજરાતમાં કેવી રહેશે હવામાન સ્થિતિ?
Gujarat: ગુજરાતના મોટા ભાગના વિસ્તારોમાં છેલ્લા 48 કલાકથી ભારે વરસાદ વરસ્યો છે. સૌરાષ્ટ્ર અને કચ્છ ઝોન સહિત રાજ્યના અનેક જિલ્લાઓમાં આવતીકાલે (26 ઓગસ્ટ) ભારેથી અતિભારે વરસાદની આગાહી હવામાન વિભાગે કરી છે. મધ્ય અને દક્ષિણ ગુજરાતના કેટલાક વિસ્તારોમાં પણ આવતીકાલે છૂટકથી ભારે વરસાદની શક્યતા દર્શાવવામાં આવી છે. આ પરિસ્થિતિને ધ્યાનમાં રાખીને રાજ્યના માછીમારોને 28 ઓગસ્ટ સુધી દરિયામાં ન જવા ચેતવણી અપાઈ છે.
રાજ્યમાં કુલ સરેરાશ વરસાદ 84 ટકા પાર
સ્ટેટ ઈમરજન્સી ઓપરેશન સેન્ટર-ગાંધીનગરના અહેવાલ મુજબ, રાજ્યમાં મોસમનો સરેરાશ વરસાદ 84 ટકા કરતાં વધુ નોંધાયો છે. છેલ્લા 24 કલાકમાં છોટા ઉદેપુરના સંખેડા તાલુકામાં 4 ઈંચ સૌથી વધુ વરસાદ પડ્યો હતો. સુરતના ઉમરપાડામાં 3.90 ઈંચ, સાબરકાંઠાના ઈડરમાં 3.86 ઈંચ, તાપીના વ્યારામાં 3.54 ઈંચ તથા વડોદરાના ડભોઈમાં 3.15 ઈંચ વરસાદ નોંધાયો હતો. આજે સવારે 6 થી 10 વાગ્યા સુધી માત્ર 4 કલાકમાં મહિસાગરના બાલાસીનોર અને સાબરકાંઠાના વિજયનગર તાલુકામાં 2.13 ઈંચ વરસાદ પડ્યો હતો.
ડેમની હાલત
હાલ સરદાર સરોવર ડેમમાં 2,83,431 MCFT જળસંગ્રહ છે, જે 84 ટકા ભરાવ સાથે નોંધાયો છે. રાજ્યના અન્ય 206 જળાશયોમાં મળીને 4,36,135 MCFT પાણી સંગ્રહિત છે, જે કુલ ક્ષમતાના 78.18 ટકા બરાબર છે. રાજ્યમાં 67 ડેમ 100 ટકા કરતાં વધુ, 27 ડેમ 90-100 ટકા ભરાયા છે. કુલ 94 ડેમને હાઈ એલર્ટ, 27 ડેમને એલર્ટ અને 19 ડેમને વોર્નિંગ જાહેર કરાયા છે.
ઝોનવાર વરસાદ
25 ઓગસ્ટે સવારે 6 વાગ્યા સુધી રાજ્યમાં કુલ સરેરાશ 84 ટકા વરસાદ નોંધાયો હતો. ઝોનવાર આંકડા મુજબ ઉત્તર ગુજરાતમાં સૌથી વધુ 87.43 ટકા, દક્ષિણ ગુજરાતમાં 86.41 ટકા, કચ્છ ઝોનમાં 85.08 ટકા, સૌરાષ્ટ્ર ઝોનમાં 83.51 ટકા અને પૂર્વ મધ્ય ઝોનમાં સૌથી ઓછો 79.08 ટકા વરસાદ નોંધાયો છે.
સરકારની તૈયારી
ચોમાસાની સંભવિત આપત્તિ માટે રાજ્ય સરકારે આગોતરા આયોજનરૂપે NDRFની 12 અને SDRFની 20 ટુકડીઓ તહેનાત કરી છે. અત્યાર સુધીમાં 5,191 નાગરિકોનું સુરક્ષિત સ્થળાંતર કરવામાં આવ્યું છે, જ્યારે 966 લોકોને રેસ્ક્યુ કરવામાં આવ્યા છે.
આ પણ વાંચો
- Virat kohli: વિરાટ કોહલીએ ન્યૂઝીલેન્ડમાં સૌથી ઝડપી અડધી સદી ફટકારી, સચિનના બે રેકોર્ડ તોડ્યા
- Money: 8મા પગાર પંચનું એક વર્ષ: શું ₹25,000નું પેન્શન ₹87,500 થઈ જશે? ‘ફિટમેન્ટ ફેક્ટર’ અંગે જાણો લેટેસ્ટ અપડેટ
- Jailer 2: થિયેટરમાં પ્રદર્શિત થયા બાદ, ‘જેલર 2’ (Jailer 2) હવે OTT પર ધૂમ મચાવવા માટે તૈયાર છે—શું તેમાં 30 મિનિટનું વધારાનું ફૂટેજ જોવા મળશે?
- Dhanteras: ધનતેરસની સાંજે ચાર વાટવાળો દીવો (ચૌમુખી દીવો) શા માટે પ્રગટાવવામાં આવે છે? ‘યમ દીપક’ (યમરાજ માટેનો દીવો) પ્રગટાવવાનો યોગ્ય સમય અને દિશા જાણો.
- Akhilesh yadav: “જ્યારે હું ચૂંટણી નથી લડતો, ત્યારે હું મુખ્યમંત્રી બનું છું…” વારાણસીમાં અખિલેશ યાદવનું નિવેદન