Nadiad :ઉત્તરસંડા ગામમાં એક કરુણ ઘટના બની છે. જ્યાં એક પરીવારે પોતાના 18 વર્ષીય લાડકવાયાને માર્ગ અકસ્માતમાં ગુમાવ્યો છે. આ પરીવારે દિકરાને તેના પ્રિય બાઈક સહિતની વસ્તુઓ સાથે દફનાવ્યો છે.
ઉતરસંડાના ખ્રિસ્તી ફળિયામાં રહેતા સંજયભાઈનો 18 વર્ષિય દિકરો ક્રિશનો તાજેતરમાં માર્ગ અકસ્માત થયો હતો. ક્રિશ તાજેતરમાં જ ધોરણ 12ની પરીક્ષામાં ઉત્તીર્ણ થયો હતો. ક્રિશ ધોરણ 12 પાસ કર્યા બાદ એડમિશનના કામે આણંદ ગયો હતો. ત્યાંથી પરત ફરતી વખતે તેની બાઈક એક ટ્રોલીની પાછળ ઘૂસી ગઈ હતી, જેના કારણે તે ગંભીર રીતે ઈજાગ્રસ્ત થયો હતો. તેને હોસ્પિટલમાં એક સપ્તાહ સુધી સારવાર આપવામાં આવી,
પરંતુ દુર્ભાગ્યે તેનું મૃત્યુ થયું હતું. પરીવારના જણાવ્યા મુજબ, જે બાઈક સાથે તેને અકસ્માત નડ્યો, તે બાઈક તેને ખૂબ જ પ્રિય હતું. પરિવારજનોએ ક્રિશને તેના કપડાં, ઘડિયાળ સહિત તેના પ્રિય બાઈક સાથે દફનાવીને તેની અંતિમ ઈચ્છા પૂરી કરી હતી. સોશિયલ મીડિયા પર પણ અનેક લોકોએ ક્રિશને ભાવભીની શ્રદ્ધાંજલિ અર્પણ કરી છે.
પ્રાપ્ત માહિતી અનુસાર, ક્રિશના અવસાનથી તેના મિત્રો અને પરિચિતોમાં ગમગીની છવાઈ ગઈ છે. આ ઘટના ખરેખર હૃદય કંપાવનારી છે અને યુવા વર્ગમાં વાહન ચલાવતી વખતે સાવચેતી રાખવા માટે એક દુઃખદ ચેતવણી પણ છે.
આ પણ વાંચો..
- murmu: રાષ્ટ્રપતિ મુર્મુની ઉત્તર મેસેડોનિયાની ઐતિહાસિક મુલાકાત; દ્વિપક્ષીય વેપારને બમણો કરવા માટે કરાર થયો
- MEA એ રશિયન અધિકારીને સમન્સ પાઠવ્યા, ચાર ભારતીયોના મોત પર વિરોધ નોંધાવ્યો
- Hockey: વર્લ્ડ કપ માટે ટીમ ઈન્ડિયાની જાહેરાત; 20 ખેલાડીઓની પસંદગીભારતે 15 ઓગસ્ટથી શરૂ થનારા વર્લ્ડ કપ માટે પોતાની ટીમ જાહેર કરી
- rahul: રાહુલ અને પ્રિયંકાના પીએમ નિવાસસ્થાન બહાર આગમન અને અખિલેશ તેમાં જોડાયા, પોલીસની કાર્યવાહી – ધરણા વિરોધ કેવી રીતે થયો.
- trump: ૧૦૦ વર્ષ જૂના કાયદાનો પહેલી વાર અમલ: ટ્રમ્પે કેનેડિયન માલ પર ૫૦% ટેરિફ લાદ્યો