Gujarat : ખેડા જિલ્લામાં ચોમેર વીજ વિભાગના ધાંધિયા સામે આવી રહ્યા છે. નડિયાદ બાદ હવે ચકલાસી વીજ વિભાગની ઉદાસીનતા સામે આવી છે. જ્યાં મહોળેલ ગામમાં છેલ્લા સપ્તાહથી વીજ પુરવઠો અનિમિત બનવા ઉપરાંત વારંવાર ખોરવાઈ જતા ગ્રામજનો ત્રસ્ત બન્યા છે. આજે ચકલાસી વીજ વિભાગની કચેરીમાં પહોંચી અને રામધૂન બોલાવી વિરોધ કર્યો હતો.
ખેડા જિલ્લામાં ગરમી અને ઉકળાટની વચ્ચે વીજળીની સમસ્યા વકરી રહી છે. નડિયાદ તાલુકાના મહોળેલ ગામમાં છેલ્લા એક અઠવાડિયાથી વીજ પુરવઠો અનિયમિત બન્યો છે. ગામના ગાંધી ચોક અને દરબાર ફળિયા વિસ્તારમાં વીજળી ઓછા-વત્તા પ્રમાણમાં આવતા વીજ ઉપકરણોને નુકસાન થવાની દહેશત ઊભી થઈ છે.
આ સમસ્યાના નિરાકરણ માટે આજે ગ્રામજનો ચકલાસી સ્થિત વીજ કંપનીની કચેરીએ પહોંચ્યા હતા. રજૂઆત પહેલા તેમણે કચેરીમાં રામધૂન બોલાવી વીજ કર્મચારીઓને સદબુદ્ધિ આપવા પ્રાર્થના કરી હતી. સ્થાનિક રહેવાસી માનસીબેન પંડ્યાના જણાવ્યા મુજબ, ફરિયાદ બાદ વીજ કર્મચારીઓ આવે છે. પરંતુ સમારકામ બાદ પણ સમસ્યા યથાવત રહે છે.
ગરમીના દિવસોમાં રાત્રે પણ લોકોને હાલાકી વેઠવી પડે છે. વધતી જતી ગરમી અને ઘરેલુ વીજ ઉપકરણોના વપરાશમાં થયેલા વધારાને કારણે સમગ્ર જિલ્લામાં વીજ માગ વધી છે. આ પરિસ્થિતિમાં ગામે-ગામ વીજ પુરવઠાની સમસ્યા સર્જાઈ છે.
આ પણ વાંચો..
- Cancer: કેન્સરની 543 દવાઓના ભાવમાં મોટો ઘટાડો… કેટલીક દવાઓના ભાવમાં 90%થી વધુનો ઘટાડો; નવા દરો 9 નવેમ્બરથી અમલી બનશે
- arnab: આંધ્રપ્રદેશમાં પાંચ લોકોનાં મૃત્યુ; ઓડિશાના અનેક જિલ્લાઓમાં એલર્ટ જાહેર; નાયડુએ અમિત શાહને પત્ર લખ્યો
- vande bharat: આ શહેરોને ટૂંક સમયમાં ‘વંદે ભારત સ્લીપર ટ્રેન’ની ભેટ મળી શકે છે; અહીં સંપૂર્ણ રૂટની વિગતો છે
- parineeti chopra: “મૂર્ખાઓની જેમ…” – જેનિફર વિંગેટ સાથે મતભેદ હોવાના અહેવાલો પર પરિણીતી ચોપરા ભડકી ઉઠી, ટ્રોલ કરનારાઓને સણસણતો જવાબ આપ્યો.
- amit shah: ‘અમિત શાહના નિવાસસ્થાને ટાટાની બેઠક શા માટે?’: રાહુલ ગાંધીના સીતારમણને તીખા સવાલો; કહ્યું કે વેપારી સમુદાય સરકારથી પહેલેથી જ નારાજ છે