Earthquake: પાકિસ્તાનમાં એક અઠવાડિયામાં ત્રીજી વખત ભૂકંપ, ધરતી ધ્રુજતા લોકો ગભરાઈને ઘરો છોડીને ભાગ્યા 

Earthquake: પાડોશી દેશ પાકિસ્તાનમાં ભૂકંપના આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 4.2 હતી. પાકિસ્તાનના ઘણા શહેરોમાં ભૂકંપના આંચકા અનુભવાયા હતા, જેના પછી ગભરાયેલા લોકો પોતાના ઘર છોડીને ખાલી જગ્યાઓ તરફ ભાગવા લાગ્યા હતા. રાષ્ટ્રીય ભૂકંપ વિજ્ઞાન કેન્દ્ર અનુસાર, ભૂકંપનું કેન્દ્ર 10 કિલોમીટરની ઊંડાઈએ હતું. આ ભૂકંપના આંચકા ખૈબર-પખ્તુનખ્વાની આસપાસ અનુભવાયા હતા.

૩૦ એપ્રિલ ૨૦૨૫ના રોજ પાકિસ્તાનમાં પણ ભૂકંપના આંચકા અનુભવાયા હતા. તે સમયે ભૂકંપની તીવ્રતા રિક્ટર સ્કેલ પર ૪.૪ નોંધાઈ હતી. શનિવારે (૩ મે, ૨૦૨૫) અફઘાનિસ્તાનમાં ૪.૩ ની તીવ્રતાનો ભૂકંપ આવ્યો. NCS અનુસાર, ભૂકંપ 15 કિલોમીટરની ઊંડાઈએ આવ્યો હતો. છેલ્લા એક અઠવાડિયા દરમિયાન પાકિસ્તાનમાં ત્રણ વખત ભૂકંપના આંચકા અનુભવાયા હતા.

૧૨ એપ્રિલે પાકિસ્તાનના કેટલાક ભાગોમાં પણ ભૂકંપના આંચકા અનુભવાયા હતા. ભૂકંપની તીવ્રતા રિક્ટર સ્કેલ પર ૫.૫ માપવામાં આવી હતી. શનિવારે રાત્રે (સ્થાનિક સમય) પશ્ચિમ ટેક્સાસમાં 5.3 ની તીવ્રતાનો ભૂકંપ આવ્યો. આ ભૂકંપ ન્યૂ મેક્સિકોના વ્હાઇટ્સ સિટીથી લગભગ 35 માઇલ દક્ષિણમાં આવ્યો હતો, જે ટેક્સાસ શહેરો મિડલેન્ડ અને અલ પાસો વચ્ચેના વિસ્તારમાં આવેલો છે. USGS મુજબ, આ વિસ્તારમાં વસ્તી ઓછી હોવાથી ભૂકંપની લોકો પર મર્યાદિત અસર પડી હતી.

શુક્રવારે મોડી રાત્રે (૨ મે, ૨૦૨૫) ઉત્તર ગુજરાતમાં ૩.૪ ની તીવ્રતાનો ભૂકંપ આવ્યો. જિલ્લા અધિકારીઓએ કહ્યું હતું કે આ ભૂકંપમાં કોઈ જાનમાલના નુકસાનના સમાચાર નથી.તેનું કેન્દ્ર બનાસકાંઠા જિલ્લામાં વાવ નજીક હતું. ગુજરાત રાજ્ય આપત્તિ વ્યવસ્થાપન સત્તામંડળ (GSDMA) અનુસાર, ગુજરાત ભૂકંપનું ઉચ્ચ જોખમ ધરાવતું ક્ષેત્ર છે અને છેલ્લા 200 વર્ષમાં અહીં નવ મોટા ભૂકંપ આવ્યા છે.