Vadodara : વડોદરા સહિત રાજ્યભર અને દેશભરમાં બિનઅધિકૃત નાગરિકો વિરૂદ્ધ તપાસ હાથ ધરવામાં આવી રહી છે. જે અંતર્ગત વડોદરા રેલવે સ્ટેશન પર રેલવે પોલીસ દ્વારા તપાસ હાથ ધરવામાં આવી હતી.
દરમિયાન ગતરાત્રે વડોદરા તરફ આવતી ગોલ્ડન ટેમ્પલ ટ્રેનમાં બિનવારસી પાર્સલ મળી આવ્યા હતા. આ પાર્સલમાંથી શંકાસ્પદ માંસ નો મોટો જથ્થો જપ્ત કરવામાં આવ્યો છે. આ માંસ કયા પ્રાણીનું છે, તે ચોક્સાઇ પૂર્વક જાણવા માટે સેમ્પલોને એફએસલ તપાસ માટે મોકલી આપવામાં આવ્યા છે.
આ ઘટનાને પગલે રેલવે સ્ટેશન પર ઉત્તેજના વ્યાપી જવા પામી હતી. અને જીવદયા પ્રેમી નેહા પટેલ પણ દોડી આવ્યા હતા. હાલ આ મામલે વધુ તપાસ હાથ ધરવામાં આવી રહી છે.
માહિતી મળતા વોચ ગોઠવી દેવાઈ હતી
કેટલાય દિવસથી વડોદરાના રેલવે સ્ટેશન પર પોલીસ અને વિવિધ બ્રાન્ચ દ્વારા ચેકીંગ ચાલી રહ્યું છે. દરમિયાન અમૃતસરથી વડોદરા તરફ આવતી ગોલ્ડન ટેમ્પલ ટ્રેનમાં લઇ જવાતા પાર્લસમાં શંકાસ્પદ માંસ હોવાની બાતમી મળતા પ્રાણીન ફાઉન્ડેશનના નેહા પટેલ અને વડોદરા રેલવે પોલીસનું ડી સ્ટાફ તથા વોલંટીયર્સ તૈનાત થઇ ગયા હતા.
16 કોથળા ભરેલુ માંસ મળ્યુ
ટ્રેન આવતા તેમાં સઘન શોધખોળ કરવામાં આવી હતી. દરમિયાન 16 કોથળા ભરેલા પાર્સલમાં શંકાસ્પદ માંસ મળી આવ્યું હોવાની પ્રાથમિક માહિતી સામે આવી રહી છે. આ કોથળામાંથી મળેલું માંસ કયા પ્રાણીનું છે, તે જાણવા માટે એફએસએલમાં સેમ્પલ મોકલવામાં આવ્યા છે.
મુસાફરોની પૂછપરછ કરાઈ
આ રેલવેના પાર્સલમાં ગૌ માંસ હોવાની આશંકાને પગલે પ્લેટફોર્મ પર ઉત્તેજના વ્યાપી જવા પામી હતી. આ પાર્સલ અંગે વધુ વિગત જાણવા આસપાસના મુસાફરોની પુછપરછ કરવામાં આવી હતી. પરંતુ તેમાં કોઇ નક્કર મળી ના હોવાનું સપાટી પર આવી રહ્યું છે. હવે એફએસએલના રીપોર્ટમાં શું સામે આવે છે તેના પર સૌ કોઇની નજર રહેશે.
આ પણ વાંચો..
- Horoscope: વૃષભ, સિંહ અને તુલા રાશિના જાતકોને ભાગ્યનો સાથ મળી શકે છે અને તેમના અધૂરા કાર્ય પૂર્ણ થશે.
- જો vaibhav suryavanshi દોષિત સાબિત થાય તો તેના પર પ્રતિબંધ લાગી શકે છે, આ દિગ્ગજ વ્યક્તિએ સનસનાટીભર્યો આરોપ લગાવ્યો
- Vani Kapoor: ‘અબીર ગુલાલ’ છોડી દો… ‘રેડ 2’ પછી આવનારી આ 2 ફિલ્મો વાણી કપૂરનું નસીબ ઉજ્જવળ બનાવશે
- Shekhar Kapoor: કૂકે ‘મિસ્ટર’ ની સ્ક્રિપ્ટ લખી, શેખર કપૂરે ખુલાસો કર્યો કે ‘ઈન્ડિયા 2’ ચેટજીપીટીનો ઉપયોગ કરે છે
- Census: રાજકારણથી અનામત સુધી… જાણો જાતિ વસ્તી ગણતરીથી શું બદલાશે