Gujaratમાં 7 વર્ષની બાળકી પર દુષ્કર્મ અને હત્યાનો કેસ; આરોપીને ફટકારવામાં આવી બેવડી મૃત્યુદંડની સજા
Gujaratના આણંદ જિલ્લાની એક કોર્ટે સાત વર્ષની બાળકી પર દુષ્કર્મ ગુજારીને તેની હત્યા કરનાર વ્યક્તિને બેવડી મૃત્યુદંડની સજા ફટકારી છે. આરોપીએ વર્ષ 2019 માં ખંભાત તહેસીલમાં આ ગુનો કર્યો હતો. આ કેસમાં ખંભાત સેશન્સ કોર્ટના જજ પ્રવીણ કુમારે આરોપી અર્જુન ગોહેલ (29) ભારતીય દંડ સંહિતાની કલમ 302 (હત્યા) અને બાળકોના રક્ષણ માટેના કાયદા (POSCO) ની કલમ 6 (ઉગ્ર જાતીય હુમલો) હેઠળ દોષિત ઠેરવ્યા હતા. કોર્ટે પીડિત પરિવારને 13 લાખ રૂપિયાનું વળતર આપવાનો આદેશ પણ આપ્યો છે.
કેસ વિશે માહિતી આપતા સરકારી વકીલ રઘુવીર પંડ્યાએ જણાવ્યું હતું કે ‘કોર્ટે આ કેસને રેરેસ્ટ ઓફ ધ રેર ગણાવ્યો હતો અને પ્રોસિક્યુશનની માગણી મુજબ ગુનેગારને બેવડી મૃત્યુદંડની સજા ફટકારી હતી. કોર્ટે પ્રશાસનને પીડિત પરિવારને 13 લાખ રૂપિયાનું વળતર આપવાનો પણ નિર્દેશ આપ્યો છે.
પંડ્યાએ વધુમાં જણાવ્યું હતું કે ‘કોર્ટે તે માણસને બેવડી મૃત્યુદંડની સજા આપી હતી જેથી કરીને હાઈકોર્ટ તેને એક ગુનામાં નિર્દોષ છોડી દે તો પણ બીજા કેસમાં તેને મૃત્યુદંડની સજા મળી શકે અને તે છટકી ન શકે.’
આ ઘટના ઑક્ટોબર 2019ની છે, જ્યારે સ્થાનિકોને ગામની સીમમાં એક ખેતરમાં અર્ધ-નગ્ન અવસ્થામાં પડેલી સાત વર્ષની બાળકીનો મૃતદેહ મળ્યો હતો. જે બાદ બાળકીનું પોસ્ટમોર્ટમ કરવામાં આવ્યું હતું અને મેડિકલ રિપોર્ટમાં પુષ્ટિ થઈ હતી કે ગળું દબાવીને હત્યા કરતા પહેલા તેના પર બળાત્કાર કરવામાં આવ્યો હતો.
પંડ્યાએ વધુમાં જણાવ્યું હતું કે, તપાસ દરમિયાન જાણવા મળ્યું હતું કે પીડિત છોકરી ગુમ થયા પહેલા આરોપી અર્જુન ગોહેલ સાથે છેલ્લે જોવામાં આવી હતી. જે બાદ યુવતી સહિત અન્ય કેટલાક સાક્ષીઓના નિવેદનના આધારે તે જ ગામના રહેવાસી ગોહેલની ધરપકડ કરવામાં આવી હતી.
ઘટના પહેલા બાળકી તેના ઘરની બહાર અન્ય યુવતીઓ સાથે રમી રહી હતી ત્યારે આરોપી ત્યાં પહોંચ્યો અને તેને બિસ્કિટ આપવાના બહાને તેને લલચાવીને ગામની સીમમાં લઈ ગયો અને ત્યાં તેના પર દુષ્કર્મ ગુજાર્યો. આરોપીએ એટલી નિર્દયતાથી ગુનો આચર્યો હતો કે પીડિતાને ગંભીર આંતરિક ઈજાઓ થઈ હતી. આ પછી તેણે તેનું ગળું દબાવીને હત્યા કરી નાખી.
પંડ્યાના કહેવા પ્રમાણે આરોપીએ ક્યારેય પોતાનો ગુનો કબૂલ્યો નથી. તેણે કહ્યું કે યુવતીને બિસ્કિટ આપ્યા બાદ તેણે તેને સુરક્ષિત છોડી દીધો હતી . પરંતુ ફરિયાદ પક્ષે શંકાની બહાર સાબિત કર્યું કે તેણે જ આ ગુનો કર્યો હતો. જે બાદ કોર્ટે તેને ડબલ મોતની સજા સંભળાવી હતી.