મહુધાથી તરંગ શર્મા દ્વારા..
Gujaratમાં ખેડા જિલ્લામાં 19 માર્ચના રોજ મહુધાના એક ગામની સગીર વયની દિકરીને ઠાસરાનો રોહિત સોલંકી નામનો યુવક ભગાડી ગયો હતો. આ દિકરીનું અપહરણ કરીને ગયેલા ઈસમે તેની સાથે દુષ્કર્મ ગુજાર્યુ હતુ. આ મામલે પોલીસ મથકે ગુનો નોંધાયાના ગણતરીના કલાકોમાં જ આરોપીને ઝડપી લેવાયો છે.
મળતી માહિતી મુજબ Gujaratમાં ખેડા જિલ્લામાં રોહિત સોલંકી (રહે.મોરઆંબલી, ઠાસરા) નામનો ઈસમ 19 માર્ચના દિવસે મહુધા તાલુકાના એક ગામની સગીર દિકરીનું અપહરણ કરી અને લઈ ગયો હતો. આ મામલે સગીરાના વાલી દ્વારા મહુધા પોલીસ મથકે પોક્સો અને અન્ય કલમો હેઠળ ગુનો દાખલ કરાવ્યો હતો. આ અંગેની તપાસ મહુધા પી.આઈ. એસ.આર ચૌહાણે કરી હતી.
જેમાં ટેકનિકલ સર્વેલન્સની મદદ લેતા આરોપી ભોગ બનનારને છોડી દઈ અને મોરઆંબલી ખાતે આવી ગયો હોવાની માહિતી મળી હતી. જે બાદ તપાસ માટે મહુધા પોલીસની ટીમ આ ગામમાં પહોંચી હતી. જ્યાં આ આરોપી ઈસમને ઝડપી લેવાયો હતો અને અટકાયત કરી આગળની કાર્યવાહી હાથ ધરાઈ છે.
18 દિવસ પહેલાની આ ઘટનાની પોલીસ મથકે માહિતી મળ્યાના કલાકોમાં જ આરોપીને ઝડપી લેવાયો છે. હાલ પોલીસે આગળની કાર્યવાહી હાથ ધરી છે.
આ પણ વાંચો..
- Rajkot: APK ફાઇલોનો ઉપયોગ કરીને સમગ્ર ભારતમાં સાયબર છેતરપિંડીમાં સંડોવાયેલી ગેંગનો પર્દાફાશ, 55 FIR નોંધાઈ
- Ahmedabad: એક યુવક સાથે યુરોપ અને દુબઈમાં વર્ક પરમિટ અપાવવાના બહાને ૧૧.૬૫ લાખ રૂપિયાની છેતરપિંડી
- Ahmedabad: નારોલ-નરોડા હાઇવે પર ખારીકટ કેનાલમાંથી બે દિવસની બાળકીનો મૃતદેહ મળી આવ્યો
- Amit Khunt case: સુપ્રીમ કોર્ટે અનિરુદ્ધસિંહ જાડેજાના જામીન માન્ય રાખ્યા, ફરિયાદ પક્ષની અરજી ફગાવી દીધી
- Surat: રહીશો દૂષિત પાણીથી પરેશાન, ભાજપના નેતાએ SMCની નિષ્ફળતાઓ છુપાવવા કરી વિચિત્ર દલીલ