ડીસામાં ફડાકડાના ગોડાઉનમા લાગેલી આગના પગલે 21 લોકોના મોત થયા છે. આ મામલે પંચમહાલ જીલ્લામા પણ તંત્ર સાબદુ બન્યુ છે. ગોધરા શહેરના બગીચા રોડ પર આવેલી ફટાકડાની દુકાનો પર તપાસ કરવામા આવી હતી જેના પગલે વેપારીઓમા ભારે દોડધામ મચી જવા પામી હતી. જે દુકાનો બંધ હતી તે દુકાનદારોને નોટીસ આપવાની કાર્યવાહી કરવામા આવી છે.
Godhra શહેરમાં બગીચા રોડ પર આવેલી મ્યુનિસિપલ દુકાનો અંગે મામલતદાર કચેરી દ્વારા મહત્વપૂર્ણ કાર્યવાહી કરવામાં આવી છે. મામલતદાર એચ.વી.ભોઈએ સ્થળ તપાસ હાથ ધરી હતી.પ્રાથમિક તપાસ દરમિયાન 11 દુકાનો પૈકી એક દુકાન ખુલ્લી મળી આવી હતી જે દુકાનની સીઝર હુકમ આપી અંદાજે 96 હજારનો મુદ્દામાલ સીલ કર્યો હતો.
Godhraમાં અન્ય દુકાનો બંધ હોવાના કારણે દુકાનને સીલ કરી તેના ઉપર નોટિસ લગાડવામાં આવી છે. દુકાનો બંધ હોવાના કારણેઆસપાસના લોકો પાસેથી માહિતી મેળવવાનો પ્રયાસ કરવામાં આવ્યો, પરંતુ દુકાન માલિકોના સંપર્ક અંગે કોઈ માહિતી મળી ન હતી.મામલતદાર કચેરી દ્વારા તમામ બંધ દુકાનોને હંગામી ધોરણે સીલ કરવામાં આવી છે. દુકાન માલિકોને જાણકારી મળે તે માટે દરેક દુકાન પર નોટિસ ચોંટાડવામાં આવી છે.
Godhraમાલિકોને સૂચના આપવામાં આવી છે કે તેઓ કચેરી કામકાજના સમય દરમિયાન તાલુકા સેવા સદનમાં માલિકીના આધાર-પુરાવા સાથે હાજર થાય.મામલતદાર કચેરીએ ચેતવણી આપી છે કે જો માલિકો સંપર્ક નહીં કરે તો નિયમ મુજબ આગળની કાર્યવાહી હાથ ધરવામાં આવશે. દુકાન માલિકોએ સીલને કોઈ નુકસાન પહોંચાડ્યા વિના કચેરીનો સંપર્ક કરવાનો રહેશે.
આ પણ વાંચો..
- માતાએ ઠપકો આપતા 11 વર્ષનો છોકરો લખનૌથી સાયકલ પર ભાગી ગયો, ત્રણ દિવસ પછી Ahmedabadમાં મળી આવ્યો
- નવા ભાજપ પ્રમુખની જાહેરાતથી ચોંકી ગયા Gujaratના નેતા; જાણો મોદી અને શાહ સિવાય કોઈ હતી ખબર?
- Gujaratના નવા DGP કોણ બનશે? શું KLN રાવ કે ‘એક્શન મેન’ GS મલિક સંભાળશે ચાર્જ?
- Gujaratમાં ગેરકાયદેસર સંબંધો માટે પતિ બન્યો રાક્ષસ, પત્નીનું ગળું કાપીને તેના મૃતદેહને કૂવામાં ફેંકી દીધો
- દારૂ પીનારાઓનું મુંડન, Gujaratના આ ગામમાં પંચાયતે લાગુ કર્યો નવો હુકમ