ખેડા જિલ્લાના BJP પ્રમુખનું કોકડુ જ્ઞાતિવાદના કારણે ગુંચવાયુ છે અને પ્રદેશ BJP નેતાનું વડતાલમાં સૂચક નિવેદન, રાજકારણમાં જ્ઞાતિવાદ ઘર કરી ગયુ છે: ગોરધન ઝડફિયા
વડતાલના એક સામાજીક પ્રસંગમાં હાજરી આપવા પહોંચેલા ગુજરાત પ્રદેશ BJPના દિગ્ગજ નેતાએ સૂચક નિવેદન આપ્યુ છે. એકતરફ ખેડા જિલ્લા ભાજપ પ્રમુખનું કોકડુ જ્ઞાતિવાદના કારણે ગુંચવાયુ છે, ત્યારે દિગ્ગજ નેતાએ જ્ઞાતિવાદ અંગે નિવેદન આપતા રાજકારણ ગરમાયુ છે. રાજકારણમાં જ્ઞાતિવાદ ઘર કરી ગયાનું તેમણે સ્વીકાર કર્યો છે.
‘રાજનીતિમાં જે બદલાવ આવ્યો છે, એક જમાનો હતો, કે કોઈ પણ નાની જાતિનો વ્યક્તિ રાજકારણમાં સર્વોચ્ચ પદ પર જઈ શકતો હતો. ઉદાહરણ તરીકે કહું તો ગુજરાતમાં મોરારજીભાઈ દેસાઈ (જાતિ કેટલી), ઘનશ્યામ ઓઝા (જાતિ કેટલી), એ એટલા માટે થતુ હતુ કે, ત્યારે આ જાતિની અંદરની તીવ્રતાઓ જનમાનસમાં નહોતી, ગામનો સરપંચ કોણ? તો ગમે તે બને, ભલે એક જ ઓરડો હોય ગામમાં, પણ ગામનું ભલુ કરે તે ગામનો સરપંચ, આ માનસિકતા જનમાનસની હતી અને એક ઘર હોય તો પણ સરપંચ બને, હવે આ નથી થઈ શકતુ, વિધાનસભા કે લોકસભા, અમે કે કોઈ પણ પોલિટીકલ પાર્ટી, ગમે તેટલુ કહે કે અમે જાતિમાં નથી માનતા, પરંતુ જ્યારે ટીકીટ આપવાની થાય એટલે આંકડા જોયા વગર રહેતા જ નથી. ’
આ શબ્દો છે, નડિયાદના વડતાલમાં એક સામાજના કાર્યક્રમમાં પહોંચેલા પ્રદેશ BJP ઉપાધ્યક્ષ ગોરધન ઝડફિયાના. જનમાનસમાં જાતિવાદ ઘર કરી ગયો હોવાની વાત એવા સમયે કરી છે, જ્યારે ખુદ ભાજપના ખેડા જિલ્લા પ્રમુખની જાહેરાત જ્ઞાતિવાદના કારણે અટવાઈ પડી છે.
એકતરફ પ્રદેશના અનેક હોદ્દેદારો અને ખેડા જિલ્લા ભાજપના અગ્રણીઓએ અજય બ્રહ્મભટ્ટને જ પ્રમુખ તરીકે રીપીટ કરવાની માંગણી કરી છે, તો બીજીતરફ ખેડા જિલ્લાના દિગ્ગજ ક્ષત્રિય નેતાઓએ પોતાની જાતિમાંથી જ પ્રમુખ બનાવવામાં આવે તે પ્રદેશ ભાજપ પર દબાણ ઉભુ કર્યુ છે. જેના કારણે હજુ ખેડા જિલ્લા ભાજપને નવા પ્રમુખ મળ્યા નથી. આવા સમયે પ્રદેશ નેતાનું સૂચક નિવેદન ઘણુ બધુ કહી જાય છે. – હાર્દિક દેવકીયા
આ પણ વાંચો..
- yogi adityanath: યુપી-યામાનાશી વચ્ચે ગ્રીન હાઇડ્રોજન ટેકનોલોજી પર એમઓયુ પર હસ્તાક્ષર, વિદ્યાર્થીઓ જાપાનમાં તાલીમ મેળવશે
- આ 5 કેપ્ટનો T20 વર્લ્ડ કપમાં નિષ્ફળતા બાદ પોતાના પદ ગુમાવવાનો ભય ધરાવે છે!
- “The kerela story 2” ના નિર્માતાઓને મોટો ફટકો પડ્યો કારણ કે કેરળ હાઈકોર્ટે તેની રિલીઝના એક દિવસ પહેલા સ્ટે લગાવ્યો હતો; ફિલ્મ 15 દિવસ માટે મુલતવી રાખવામાં આવી
- china યુક્રેન કટોકટીનો રાજકીય ઉકેલ લાવવાનું આહ્વાન કરે છે, એમ કહે છે કે દેશોની પ્રાદેશિક અખંડિતતાનું સન્માન કરવું જરૂરી છે
- ૧૭ માળ, હેલિપેડ અને ૩,૭૧૬ કરોડ રૂપિયાની કિંમત… anil ambaniનું ઘર, ‘એબોડ’, મુકેશ અંબાણીના ‘એન્ટિલિયા’ કરતા ઓછું પ્રભાવશાળી નથી