વડોદરા મ્યુનિસિપલ કોર્પોરેશનની શાળાઓમાં રમઝાન દરમિયાન શાળાના સમયમાં ફેરફાર કરતા વિવાદ, VHP દ્વારા વિરોધ પ્રદર્શન

રમઝાન દરમિયાન વડોદરા મહાનગરપાલિકા શાસિત શાળાઓના સમયમાં ફેરફાર કરાતા વિવાદ ઉઠ્યો છે. વડોદરામાં રમઝાન દરમિયાન મ્યુનિસિપલ કોર્પોરેશન (VMC) શાસિત શાળાઓના સમયપત્રકમાં ફેરફારને લઈને વિવાદ થયો છે.

ભાજપ શાસિત મહાનગરપાલિકા સંચાલિત સ્કુલ બોર્ડ દ્વારા લઘુમતી વિદ્યાર્થીઓની સંખ્યા વધારે હોય તેવી શાળાઓના સમયમાં ફેરફાર કરવામાં આવ્યો હતો. આ અંગેની જાણ વિશ્વ હિંદુ પરિષદને થતા વિરોધ નોંધાવ્યો છે અને ઠેર-ઠેર દેખાવો શરૂ કર્યા છે. રાજ્ય સરકારે આ મામલે તપાસના આદેશ આપ્યા છે.

વિશ્વ હિંદુ પરિષદ (VHP)ના ક્ષેત્રિય મંત્રીએ નિવેદન આપતા જણાવ્યું હતું કે, કેન્દ્ર અને રાજ્ય સરકાર દેશભરમાં સમાન નાગરિક ધારો (Uniform Civil Code) લાગુ કરવા માટે એકમત ઊભો કરવાનો પ્રયાસ કરી રહી છે, પરંતુ વડોદરા મહાનગરપાલિકા હેઠળ ભાજપ શાસિત મનપાની શાળાઓમાં રમઝાન માસને ધ્યાનમાં રાખી, સમયપત્રકમાં ફેરફાર કરવાની કાર્યવાહી કરવામાં આવી છે. આમાં તૃષ્ટિકરણ નીતિ અપનાવવાનો આરોપ પણ ઉઠાવ્યો છે.

આ બાબતે રાજ્યના શિક્ષણમંત્રીએ જણાવ્યુ છે કે, વડોદરામાં શાળાના સમયમાં ફેરફાર કરવાની વિગતો ધ્યાને આવી છે. આ બાબતે તપાસના આદેશ અપાયા છે. ત્યાંના શિક્ષણાધિકારી સાથે વાત કરી છે અને સમગ્ર બાબતે રીપોર્ટ મંગાવ્યો છે.

આ પણ વાંચો

• Rohit Sharma ફિટનેસ ટેસ્ટ પાસ કર્યો, શુભમન ગિલ સહિત આ ખેલાડીઓ પણ એશિયા કપ પહેલા પહોંચ્યા હતા
• Zelensky: પુતિનને મળ્યા પહેલા ઝેલેન્સકીએ પીએમ મોદી સાથે વાત કરી, રશિયા-યુક્રેન યુદ્ધ અંગે ચર્ચા કરી
• Aap દ્વારા પંજાબમાં રાહત કામગીરી પૂરજોશમાં: છેલ્લા 24 કલાકમાં 4711 પૂર પીડિતોને સુરક્ષિત સ્થળોએ ખસેડવામાં આવ્યા
• Aap: પંજાબમાં આફત વચ્ચે સેવાનું ઉદાહરણ: આમ આદમી પાર્ટીની યુવા અને મહિલા પાંખ પૂર રાહતમાં મોખરે
• ‘Donald Trump ક્વાડ સમિટ માટે ભારત નહીં આવે’, ન્યૂયોર્ક ટાઈમ્સના અહેવાલમાં મોટો દાવો