ગુજરાત સરકારના આરોગ્ય વિભાગ દ્વારા PMJAY એટલે કે આયુષ્યમાન કાર્ડ યોજનાને લગતી ફરિયાદ નિવારણ અને જરૂરી માહિતી માટે 079-6644-0104 હેલ્પલાઇન કાર્યરત કરી દીધી છે. આ પ્રસંગે આરોગ્ય મંત્રી દ્વારા જણાવાયુ કે, વડાપ્રધાનશ્રી નરેન્દ્રભાઇ મોદીએ આપેલું આયુષ્માન કાર્ડ આપના અને આપના પરિવાર માટે ઉત્તમ-આરોગ્ય સેવાની ગેરંટી છે.
આયુષ્માન કાર્ડ અને તેના અંતર્ગત આપવામાં આવતી સેવાને લગતી કોઇપણ ફરિયાદ, સમસ્યા અને માહિતી માટે ઉપરોક્ત હેલ્પલાઇન નંબર કાર્યરત કરાવવામાં આવ્યો હોવાનું જણાવી આ નંબર 24*7 કાર્યરત રહેશે તેમ તેમણે ઉમેર્યું છે.
આ હેલ્પલાઇન સંદર્ભેની વધું વિગતો આપતા તેમણે જણાવ્યું હતુ કે, દર્દીની ફરિયાદ કોલ દ્વારા નોંધવામાં આવે છે. દર્દીને ફરિયાદની સફળ નોંધણી અને ફરિયાદની સ્થિતિને ટ્રેક કરવા માટે નોંધણી નંબરની જાણકારી આપતો SMS રજીસ્ટર્ડ કરેલ નંબર પર મોકલવામાં આવશે.
આ હેલ્પપલાઇનથી મળેલી ફરિયાદના નિવારણ માટે, જિલ્લા/કોર્પોરેશન નોડલ તરીકે મુખ્ય જિલ્લા આરોગ્ય અધિકારી(CDHO) અને મેડીકલ ઓફિસર ઓફ હેલ્થ, ઇન્સ્યોરન્સ કંપની, કાર્ડ એપ્રુવલ એજન્સીને SMS તથા ઇમેલમાં લિંક થકી ફરિયાદની વિગતો મોકલવામાં આવશે.
જરૂરી સ્ટેકહોલ્ડર/અધિકારી સાથે સંકલન કરી તેમને લિંકમાં જ ફરિયાદ નિરાકરણના જરૂરી ડૉક્યુમેન્ટ જોડાણ કરવાની વ્યવસ્થા તેમ જ ફરિયાદી માટે પણ ડૉક્યુમેન્ટ અથવા પુરાવા મોકલવાની સગવડ થકી ફરિયાદનું વેરિફિકેશન અને નિરાકરણ નિયત સમયમર્યાદામાં કરવામાં આવે છે.
ત્યારબાદ હેલ્પલાઇનની ટીમ દ્વારા નિરાકરણની ખરાઈ ફરિયાદીને કોલ કરીને કરવામાં આવે છે અને પુર્તતા થયા બાદ જ ફરિયાદ બંધ કરવામાં આવે છે.
અત્રે નોંધનીય છે કે, રાજ્યમાં 2.67 કરોડ થી વધુ આયુષ્માન કાર્ડ ધારકો છે. રાજ્ય સરકાર દ્વારા આયુષ્માન કાર્ડ અંતર્ગત રૂ. 10 લાખની કેશલેસ સારવાર આપવામાં આવે છે.
હેલ્પ લાઇનમાં કઇ માહિતી/ સુવિધાઓ મળશે ?
- 24* 7 ટોલ ફ્રી નંબર
- યોજનાકીય માહિતી
- કાર્ડ એનરોલમેન્ટ સેન્ટરની માહિતી
- કાર્ડ બેલેન્સ
- એમ્પેનલ હોસ્પિટલની માહિતી
- વિવિધ બીમારી અંતર્ગત ઉપલબ્ધ સારવાર તેમ જ પેકેજની માહિતી
- હોસ્પિટલમાં આરોગ્ય-મિત્ર તેમ જ જિલ્લા કક્ષાએ સંકલનની સુવિધા
- ફરિયાદ નોધણી, ટ્રેકિંગ અને મોનીટરીંગ ફરિયાદ યોગ્ય અધિકારી સુધી ઇ-મેલ અને SMS દ્વારા પહોચાડવા માટેની ટેક્નોલોજી સુવિધા
- યોજના અંતર્ગત આપવામાં આવતી આરોગ્યસેવામાં ખામીઓ અંગેની ફરિયાદ અને પ્રતિસાદ
- ફરિયાદોની વિગતોની ગુપ્તતા
- અધિકારી માટે જરૂરી ડૉક્યુમેન્ટ જોડાણ કરવાની વ્યવસ્થા તેમ જ ફરિયાદી માટે પણ ડૉક્યુમેન્ટ અથવા પુરાવા મોકલવાની સગવડ
- ફોલોઅપ અને રિપોટિંગ મિકેનીઝમ
આ પણ વાંચો…
- Ipl 2025: સિરાજ-શુભમને સનરાઇઝર્સને હરાવ્યું, હૈદરાબાદમાં ગુજરાત સ્તબ્ધ
- પીએમ મોદીની મુલાકાતે બંને દેશો વચ્ચેના સંબંધો વધુ ગાઢ બનાવ્યા’ શ્રીલંકાના રાષ્ટ્રપતિ dissanayake
- કાવ્યા મારનના 39.25 કરોડ રૂપિયા ગુમાવ્યા! IPL 2025માં ખોટનો સોદો કર્યો?
- Ram navmi: પહેલા સૂર્ય તિલક અને હવે દીપોત્સવ, અયોધ્યા 2.5 લાખ દીવાઓથી પ્રકાશિત; આ રીતે રામ નવમીની ઉજવણી
- શું elon muskને ટ્રમ્પ વહીવટીતંત્રમાંથી કાઢી મૂકવામાં આવે છે? કારણ રાજકીય, ધંધાકીય કે નારાજગી હોઈ શકે છે