Russia Ukraine War : શિયાળા પહેલા રશિયાએ ઘાતક પ્લાન બનાવ્યો, યુક્રેનને યુદ્ધમાં ભારે નુકસાન થશે

Russia Ukraine War : રશિયાએ યુક્રેન સામે યુદ્ધની મોટી યોજના બનાવી છે. રશિયા શિયાળા પહેલા યુક્રેનની કમર તોડવા માંગે છે. તેના ઉદ્દેશ્યને પૂર્ણ કરવા માટે, રશિયા યુક્રેનના એનર્જી પ્લાન્ટ્સને નિશાન બનાવી રહ્યું છે.

રશિયા અને યુક્રેન વચ્ચે યુદ્ધ ચાલુ છે. તાજેતરના દિવસોમાં રશિયાએ યુક્રેન પર જોરદાર હુમલા કર્યા છે. આ ક્રમમાં હવે રશિયાએ યુક્રેનના ઉર્જા સ્થાપનો પર મોટા પાયે મિસાઈલ અને ડ્રોન હુમલા કર્યા છે. અધિકારીઓએ આ હુમલાની માહિતી આપી છે. હુમલા બાદ આશંકા વધી ગઈ છે કે રશિયા શિયાળા પહેલા યુક્રેનની ઊર્જા ઉત્પાદન ક્ષમતાને નષ્ટ કરવા માગે છે.

યુક્રેનના ઉર્જા મંત્રીએ શું કહ્યું?

યુક્રેનના ઉર્જા મંત્રી હર્મન હલુશેન્કોએ ફેસબુક પર એક પોસ્ટમાં જણાવ્યું હતું કે, “ઉર્જા સ્થાપનો સમગ્ર યુક્રેનમાં હુમલા હેઠળ છે.” તેમણે કહ્યું કે સમગ્ર દેશમાં વીજ પુરવઠો બંધ કરવામાં આવી રહ્યો છે. કિવ, ખાર્કીવ, રિવને, ખ્મેલનીત્સ્કી, લુત્સ્ક સહિત મધ્ય અને પશ્ચિમ યુક્રેનના ઘણા શહેરોમાં વિસ્ફોટોની જાણ કરવામાં આવી છે.

રશિયાએ ઝડપી હુમલા કર્યા

યુક્રેનના રાષ્ટ્રપતિ કાર્યાલયના વડા, એન્ડ્રી યર્માકે, ટેલિગ્રામ પર એક પોસ્ટમાં જણાવ્યું હતું કે રશિયાએ યુક્રેનિયન માળખાકીય સુવિધાઓ અને લોકોને નુકસાન પહોંચાડવા માટે ઠંડા સિઝનમાં શ્રેણીબદ્ધ હુમલા કર્યા હતા. “ઉત્તર કોરિયા સહિત રશિયાના પેરાનોઇડ સાથીઓએ તેને મદદ કરી,” તેણે લખ્યું.

પુતિને ડરામણું પગલું ભર્યું

આ દરમિયાન તમને એ પણ જણાવી દઈએ કે પહેલીવાર રશિયન રાષ્ટ્રપતિ પુતિને વિશ્વની સૌથી ઘાતક ન્યુક્લિયર મિસાઈલ ગણાતી શેતાન-2 ન્યુક્લિયર મિસાઈલને યુક્રેન પર તૈનાત કરવાનો આદેશ આપ્યો છે. પુતિનનો આ આદેશ એવા સમયે આવ્યો છે જ્યારે પશ્ચિમી દેશો યુક્રેનને પરમાણુ હથિયારોથી સજ્જ કરવાની વાત કરી રહ્યા છે. જો કે આ રશિયન મિસાઈલનું નામ RS-28 સરમત છે, પરંતુ પશ્ચિમી દેશો તેને શૈતાન-2 તરીકે ઓળખે છે. આ મિસાઈલ એકસાથે ડઝનબંધ પરમાણુ હથિયારો લઈ જવા માટે સક્ષમ છે.