Salman khan: એનસીપીના વરિષ્ઠ નેતા બાબા સિદ્દીકીની શનિવારે ત્રણ બંદૂકધારીઓએ ગોળી મારીને હત્યા કરી હતી. બાબા સિદ્દીકીના નિધનના સમાચાર મળ્યા બાદ બોલિવૂડ સુપરસ્ટાર સલમાન ખાને બિગ બોસ 18નું શૂટિંગ કેન્સલ કરી દીધું છે. બાબા સિદ્દીકીનો મુંબઈના રાજકારણથી લઈને બોલિવૂડ સુધી પ્રભાવ હતો. તેની ઈફ્તાર પાર્ટીમાં બોલિવૂડ સ્ટાર્સનો મેળાવડો થતો હતો.
એનસીપીના વરિષ્ઠ નેતા બાબા સિદ્દીકીની શનિવારે ત્રણ બંદૂકધારીઓએ ગોળી મારીને હત્યા કરી હતી. બાબા સિદ્દીકીના નિધનના સમાચાર મળ્યા બાદ બોલિવૂડ સુપરસ્ટાર સલમાન ખાને બિગ બોસ 18નું શૂટિંગ કેન્સલ કર્યું અને રાત્રે જ લીલાવતી હોસ્પિટલ પહોંચી ગયો.
સલમાન ખાન સિવાય સીએમ શિંદે, અજિત પવાર અને શિલ્પા શેટ્ટી કુન્દ્રા બાબા સિદ્દીકીના પરિવારને મળવા લીલાવતી હોસ્પિટલ પહોંચ્યા હતા.બાબા સિદ્દીકીનો મુંબઈના રાજકારણથી લઈને બોલિવૂડ સુધી પ્રભાવ હતો. તેની ઈફ્તાર પાર્ટીમાં બોલિવૂડ સ્ટાર્સનો મેળાવડો થતો હતો.
ઈફ્તાર પાર્ટી માટે પ્રખ્યાત
બાબા સિદ્દીકી મુંબઈની સિનેમા જગતમાં પણ ખૂબ લોકપ્રિય રહ્યા છે. રમઝાન દરમિયાન તેમના દ્વારા આયોજિત ઇફ્તાર પાર્ટીઓમાં સલમાન ખાન, શાહરૂખ ખાન અને આમિર ખાન જેવા કલાકારોએ હાજરી આપી હતી. બાબા સિદ્દીકીને આગામી વિધાનસભા ચૂંટણીમાં અજિત પવારના મુખ્ય વ્યૂહરચનાકાર તરીકે જોવામાં આવી રહ્યા છે.
બાબા સિદ્દીકીની રાજકીય કારકિર્દી વિશે વાત કરીએ તો, તેઓ 1999, 2004 અને 2009માં સતત ત્રણ વખત બાંદ્રા પશ્ચિમથી ધારાસભ્ય રહ્યા હતા. તેમણે 2004 થી 2008 દરમિયાન અન્ન અને નાગરિક પુરવઠા, શ્રમ અને FDA રાજ્ય મંત્રી તરીકે પણ સેવા આપી હતી.
ત્રણ શૂટરોએ છ ગોળીઓ ચલાવી હતી
શનિવારે રાત્રે લગભગ 9.30 વાગ્યે તેમના પુત્રની ઓફિસની બહાર મોટરસાઇકલ પર આવેલા ત્રણ શૂટરોએ બાબા સિદ્દીકીને છ ગોળી મારી હતી. બાબા સિદ્દીકીને ઈજાગ્રસ્ત હાલતમાં નજીકની લીલાવતી હોસ્પિટલમાં લઈ જવામાં આવ્યા હતા, જ્યાં તેમને મૃત જાહેર કરવામાં આવ્યા હતા. પોલીસે જે બે શૂટરોની ધરપકડ કરી છે તેમાંથી એક હરિયાણાનો અને બીજો ઉત્તર પ્રદેશનો હોવાનું કહેવાય છે. આરોપી પાસેથી એક પિસ્તોલ પણ મળી આવી છે. પોલીસને આ ઘટના પાછળ લોરેન્સ બિશ્નોઈ ગેંગ હોવાની શંકા છે.