National award: ગુજરાતી ફિલ્મ અભિનેત્રીને મળ્યો રાષ્ટ્રીય પુરસ્કાર, ભાવુક થતા રાષ્ટ્રપતિએ ખભે હાથ મૂકી આપી સાંત્વના

national award: 70મા રાષ્ટ્રીય ફિલ્મ પુરસ્કાર (રાષ્ટ્રીય ફિલ્મ પુરસ્કાર 2024)ની જાહેરાત થોડા સમય પહેલા કરવામાં આવી હતી. હાલમાં જ નવી દિલ્હીમાં તેનું આયોજન કરવામાં આવ્યું હતું જ્યાં દેશના રાષ્ટ્રપતિ દ્રૌપદી મુર્મુએ પુરસ્કાર જીતનારા તમામ વિજેતાઓને સન્માનિત કર્યા હતા. ગુજરાતની અભિનેત્રી માનસી પારેખ રાષ્ટ્રીય પુરસ્કાર મળતા ભાવુક થયા હતા. દાદાસાહેબ ફાળકે એવોર્ડ મેળવ્યા બાદ મિથુન ચક્રવર્તી ખૂબ જ ભાવુક થઈ ગયા હતા જ્યારે રિષભ શેટ્ટીને કંટારા માટે સન્માનિત કરવામાં આવ્યા હતા. નીચે વિજેતાઓની સંપૂર્ણ યાદી જુઓ-

થોડા દિવસો પહેલા જ સમાચાર આવ્યા હતા કે બોલિવૂડના દિગ્ગજ અભિનેતા મિથુન ચક્રવર્તીને દાદાસાહેબ ફાળકે એવોર્ડથી સન્માનિત કરવામાં આવશે. મનોજ બાજપેયીની ફિલ્મ ‘ગુલમહોર’ને પણ વિશેષ શ્રેણીમાં રાષ્ટ્રીય પુરસ્કારથી સન્માનિત કરવાની જાહેરાત કરવામાં આવી હતી.

હવે તાજેતરમાં જ મંગળવારે નવી દિલ્હીના વિજ્ઞાન ભવન ખાતે 70મા રાષ્ટ્રીય ફિલ્મ પુરસ્કારનું આયોજન કરવામાં આવ્યું હતું. આ અવસરે વિવિધ કેટેગરીમાં રાષ્ટ્રીય ફિલ્મ પુરસ્કાર જીતનાર તમામને રાષ્ટ્રપતિ દ્રૌપદી મુર્મુ દ્વારા પુરસ્કારોથી સન્માનિત કરવામાં આવ્યા હતા.

કંતારા વર્ષ 2022ની સૌથી સફળ ફિલ્મોમાંથી એક છે. મૂળ ભાષા ઉપરાંત, કન્નડ ભાષામાં બનેલી આ ફિલ્મે પાન ઈન્ડિયામાં પણ ઘણી પ્રશંસા મેળવી અને બોક્સ ઓફિસ પર સારી કમાણી કરી. આ ફિલ્મનો મુખ્ય અભિનેતા રિષભ શેટ્ટી હતો.

* શ્રેષ્ઠ ફીચર ફિલ્મ- અટ્ટમ ધ પ્લે મલયાલમ

* શ્રેષ્ઠ હિન્દી ફિલ્મ- ગુલમોહર

* શ્રેષ્ઠ અભિનેતા મુખ્ય ભૂમિકા – ઋષભ શેટ્ટી કંતારા

* શ્રેષ્ઠ અભિનેત્રી- નિત્યા મેનન- ત્રિચિત્રમ્બલમ, માનસી પારેખ (કચ્છ એક્સપ્રેસ)